ක්රිකට් ලෝකයම බලා සිටින ඉන්දියාව සහ පාකිස්ථානය අතර T20 ලෝක කුසලාන ක්රිකට් තරගාවලියේ එම රටවල් දෙක අතර තරඟය පැවැත්වීමට සියලු කටයුතු සූදානම්. මේ විට කොළඹ ආර් ප්රේමදාස ජාත්යන්තර ක්රිකට් ක්රීඩාංගණයට විශාල වශයෙන් ක්රීඩා ලෝලීන් පැමිණෙමින් තිබෙන බව වාර්තා වෙනවා. අද උදෑසන සිට කොළඹ නගරයට හිරු එළිය වැටුණේ නැත. නමුත් මද බීරාන ගතියක් තිබුණද වර්ෂාවක්ද ඇද හැලෙන බවක් පෙනෙන්නට නැත. එම නිසා යම්කිසි මීදුම් ගතියක් සමග පවතින බීරාන ගතිය මත ක්රිකට් තරඟය පැවැත්වෙනු ඇත. නමුත් අයහපත් කාලගුණික තත්ත්වයක් නම් දක්නට නොලැබේ. එම නිසා වර්ෂාවෙන් තරගයට බාධාවක් වේ යැයි සිතිය නොහැක.ඉන්දියානු සහ පාකිස්තානු ක්රිකට් කණ්ඩායම් දෙකම මේ අවස්ථාවේදී ආර් ප්රේමදාස ක්රීඩාංගණයේ පෙර පුහුණුවීම් කටයුතුවල නිරත වෙමින් සිටියි. තරගය අද රාත්රී7.00ට ආරම්භ වීමට නියමිත අතර කාසියේ වාසිය අද සවස 6.30ට පමණ උරගා බැලීමට නියමිතයි.
