ඉන්දීය රජයෙන් පරිත්‍යාගයක් ලෙස ශ්‍රී ලංකාවට පිරිනමනු ලබන රුපියල් බිලියන 02ක මානුෂීය ආධාර තොගය අද (22) නිල වශයෙන් මෙරටට ලබාදී තිබේ.
ඒ, ශ්‍රී ලංකාවේ ඉන්දීය මහකොමසාරිස් ගෝපාල් බාග්ලේ මහතාගේ ප්‍රධානත්වයෙනි.
ඉන්දීය රජයෙන් පරිත්‍යාගයක් ලෙස ශ්‍රී ලංකාවට පිරිනමනු ලබන රුපියල් බිලියන 02ක මානුෂීය ආධාර තොගය රැගත් නෞකාව අද දිවයිනට ළඟා වුණි.
සහල් මෙට්‍රික් ටොන් 9,000ක්, කිරිපිටි මෙට්‍රික් ටොන් 200ක්, ජීවිතාරක්ෂක ඖෂධ මෙට්‍රික් ටොන් 24ක් එම ආධාර තොගයට ඇතුළත්ය.
එම ආධාර භාරගැනීම සඳහා ගොස් සිටි විදෙස් අමාත්‍ය ජී.එල් මහතා මෙලෙස අදහස් දැක්වීය.
“ඉතාමත් වටිනා ආහාර, කිරිපිටි, හාල්, ඖෂධ ඉන්දියාවෙන් අපිට ප්‍රදානය කරනවා. මේකේ වටිනාකම දළ වශයෙන් රුපියල් මිලියන 2,200ක් පමණ. සම්පූර්ණ පරිත්‍යාගය නෙමෙයි. අනෙක් කොටස ලබන සතියේ ලැබෙනවා. රුපියල් මිලියන 5,500කට වඩා. මේක ඉන්දියාවේ ජනතාව ශ්‍රී ලංකාවේ ජනතාවට කරන පරිත්‍යාගයක්. අපේ ස්වාධීනත්වය ලබාගත් දවසේ සිට අද දක්වා ඉතාමත් බැරෑරුම් අභියෝගය මෙයයි. මෙවැනි අවස්ථාවක දී ඉන්දියාවේ මිත්‍රත්වය හොඳ හිත අපිට දක්වන සහයෝගය අපිට අති විශාල ශක්තියක් වෙනවා. ඒ වෙනුවෙන් ශ්‍රී ලංකා රජය වෙනුවෙන් කෘතඥතාවය ඉන්දීය රජයට ලබාදෙන්න කැමතියි.”
