යේමනයේ හවුති කැරලිකරුවන් ඊශ්රායලයට එල්ල කළ මිසයිල ප්රහාරයක වගකීම භාරගෙන ඇති බව අල්ජසීරා පුවත් සේවය අද(28) වාර්තා කළා. ඉරානයට එරෙහි එක්සත් ජනපද-ඊශ්රායල් යුද්ධය ආරම්භ වීමෙන් පසු යේමනයේ හවුති කැරලිකරුවන්ගේ පළමු ප්රහාරය මෙයයි. හවුතිවරුන්ගේ හමුදා ප්රකාශක බ්රිගේඩියර් ජෙනරාල් යායා සාරි, කැරලිකරුවන්ගේ අල්-මසිරා චන්ද්රිකා රූපවාහිනිය විසින් අද(28) විකාශනය කරන ලද ප්රකාශයකින් මේ බව සඳහන් කර තිබෙනවා. ප්රකාශිත අරමුණු සාක්ෂාත් කර ගන්නා තෙක් සහ ඉරානයට සහයෝගය ලබා දෙන සියලුම පෙරමුණුවලට එරෙහි ආක්රමණය නතර වන තුරු ප්රහාර දිගටම පවතිනු ඇති බව සාරී පවසනවා.කලාපය කම්පනයට පත් කළ සහ ගෝලීය ආර්ථිකය කැළඹූ යුද්ධයට කැරලිකරුවන් එක්වන බවට ඊයේ (27) දින නොපැහැදිලි ප්රකාශයකින් සාරී සංඥා කිරීමෙන් පැය කිහිපයකට පසුව මෙම මිසයිල ප්රහාරය එල්ල වීම විශේෂත්වයක්.දකුණු ඊශ්රායලයේ සංවේදී ඊශ්රායල් හමුදා ස්ථාන ලෙස ඔහු විස්තර කළ ප්රදේශය ඉලක්ක කර ගනිමින් කැරලිකරුවන් බැලස්ටික් මිසයිල ප්රහාරයක් එල්ල කළ බවයි හවුතිවරුන්ගේ හමුදා ප්රකාශකවරයා සඳහන් කරන්නේ. ඊශ්රායල් හමුදාව පැවසුවේ හවුති සටන්කාමීන්ගේ මෙම මිසයිලය විනාශ කිරීමට කටයුතු කළ බවයි. සිකුරාදා සිට සෙනසුරාදා දක්වා රාත්රියේ තුන්වන වරටත් බියර් ෂෙබා සහ ඊශ්රායලයේ ප්රධාන න්යෂ්ටික පර්යේෂණ මධ්යස්ථානය අසල ප්රදේශය වටා සයිරන් නාද වුණා. ඉරානය සහ හිස්බුල්ලා ඊශ්රායලයට රැය පුරා දිගටම ප්රහාර එල්ල කර තිබෙනවා. හූතිවරු 2014 සිට යේමනයේ අගනුවර වන සානා අල්ලාගෙන සිටින අතර මෙතෙක් එක්සත් ජනපද-ඊශ්රායල් සම්බන්ධ වන යුද්ධයෙන් ඔවුන් වැළකී සිටියා. ඊශ්රායල්-හමාස් යුද්ධයේදී මිලීෂියාව නැව් යාත්රාවලට එල්ල කළ ප්රහාර හේතුවෙන් රතු මුහුදේ වාණිජ ප්රවාහනය ඉහළ ගිය අතර, එමඟින් සෑම වසරකම ඩොලර් ට්රිලියන 1 ක් පමණ වටිනා භාණ්ඩ එහි ප්රවාහනය කර තිබෙනවා. එහිදී හූති කැරලිකරුවන් මිසයිල සහ ඩ්රෝන යානා භාවිතා කරමින් වෙළඳ යාත්රා 100 කට අධික සංඛ්යාවකට පහර දී, යාත්රා දෙකක් ගිල්වා නැවියන් හතර දෙනෙකු මරා දැමූ බවද වාර්තා වනවා.
