Sunday, November 22, 2026
HomeNEWSඕස්ට්‍රේලියානු වීසා නීති දැඩි වෙයි - විදෙස් සිසුන්ගේ පවුල්වල සාමාජිකයින්ට සීමා

ඕස්ට්‍රේලියානු වීසා නීති දැඩි වෙයි – විදෙස් සිසුන්ගේ පවුල්වල සාමාජිකයින්ට සීමා

ඕස්ට්‍රේලියාවේ අධ්‍යාපනය ලබන විදේශීය සිසුන් සඳහා තම සහකරු/සහකාරිය හෝ දරුවන් රට තුළට ගෙන්වා ගැනීම වළක්වන නව වීසා සීමා පැනවීමට ඕස්ට්‍රේලියානු රජය තීරණය කර ඇති බව රොයිට‍ර්ස් පුවත් සේවය පවසනවා.

මීට අමතරව තාවකාලික සංක්‍රමණිකයන් වෙනත් වීසා කාණ්ඩවලට මාරුවීම වැළැක්වීම සඳහා වන නීති ද දැඩි කිරීමට නියමිතයි.

ඕස්ට්‍රේලියානු ස්වදේශ කටයුතු අමාත්‍ය ටෝනි බර්ක්වි සින් ජාතික ප්‍රවෘත්ති සමාජය ඇමතීමට නියමිත විශේෂ දේශනයේදී මෙම නව පියවර පිළිබඳ නිල වශයෙන් ප්‍රකාශ කිරීමට නියමිත බවයි රොයිටර්ස් පුවත් සේවය පැවසුවේ.

දැනට වසරකට 300,000 ක් පමණ වන ශුද්ධ විදේශීය සංක්‍රමණිකයන් සංඛ්‍යාව 2028 වන විට 225,000 දක්වා අඩු කිරීම ද මෙහිදී සිදුවන බවයි වාර්තා වෙන්නේ.

දැනට පවතින නීති අනුව ජාත්‍යන්තර සිසුන්ගේ සහකරුවන්ට ඕස්ට්‍රේලියාව තුළ රැකියාවල නිරත වීමට සහ වයස අවුරුදු 18 ට අඩු දරුවන් රැගෙන ඒමට අවස්ථාව හිමි වෙනවා.

නව සංශෝධන මගින් මෙම පහසුකම සීමා කිරීමට නියමිතයි.

කොවිඩ්-19 සීමා කිරීම්වලින් පසුව ඕස්ට්‍රේලියාවේ ද්වාර නැවත විවෘත කිරීමත් සමග ජාත්‍යන්තර සිසුන්, සංචාරක රැකියාවල නිරත වන්නන් සහ තාවකාලික කුසලතා පූර්ණ ශ්‍රමිකයන්ගේ පැමිණීම විශාල ලෙස ඉහළ ගියා.

2023 වසරේදී ශුද්ධ සංක්‍රමණය 518,000 ක උපරිමයකට ළඟා වූ අතර, 2025 ජූනි වන විට එය 306,000 දක්වා පහත වැටුණු බව සඳහන්.

කෙසේ වෙතත්, අධික සංක්‍රමණිකයන් සංඛ්‍යාව හේතුවෙන් රට තුළ නිවාස අර්බුදයක් සහ යටිතල පහසුකම් කෙරෙහි දැඩි පීඩනයක් එල්ල වී ඇති බවට චෝදනා එල්ල වෙන බවයි රොයිටර්ස් පුවත් සේවය පවසන්නේ.

මෙම පසුබිම හමුවේ, අති-දක්ෂිණාංශික One Nation පක්ෂය විසින් ඉදිරි වසර තුන තුළ තාවකාලික සංක්‍රමණිකයන් සංඛ්‍යාව 750,000 කින් කපා හැරීමට යෝජනා කර ඇති අතර, එමගින් රජයට එල්ල වී ඇති දේශපාලන පීඩනය ද මෙම තීරණයට හේතු වී ඇති බවයි රොයිටර්ස් පුවත් සේවය පවසා සිටින්නේ.

LEAVE A REPLY

Please enter your comment!
Please enter your name here

spot_img
spot_img
spot_img
spot_img

Must Read

සංචාරක කර්මාන්තයේ ඉදිරි සංවර්ධන සැලසුම් පිළිබඳව SLAITO සහ THASL සමඟ ඇමති විජිත සාකච්ඡාවක්

ශ්‍රී ලංකාවේ සංචාරක කර්මාන්තයේ ඉදිරි සංවර්ධන සැලසුම් පිළිබඳව SLAITO සහ THASL නියෝජිතයන් සමඟ සාකච්ඡාවක් ශ්‍රී ලංකාවේ සංචාරක කර්මාන්තය මුහුණ දෙන වත්මන් ගැටලු සහ ඒවාට විසඳුම්...

මෝටර්රථ ප්‍රවාහන දෙපාර්තමේන්තුවේ (DMT) නිල වෙබ් අඩවියට සයිබර් ප්‍රහාරයක්

මෝටර්රථ ප්‍රවාහන දෙපාර්තමේන්තුවේ (DMT) නිල වෙබ් අඩවිය ඊයේ (21) රාත්‍රියේ සයිබර් ප්‍රහාරයකට ලක්ව ඇත. ඒ හේතුවෙන් මෝටර්රථ ප්‍රවාහන දෙපාර්තමේන්තුවේ නාරාහේන්පිට කාර්යාලයට පැමිණෙනවානම් වේලාවක් වෙන්කරගෙන (Appointment)...

ඉරානය විසින් බහරේනයේ කාර්මික මධ්‍යස්ථානයකට ප්‍රහාර එල්ල කරයි

ඉරානය විසින් කාර්මික මධ්‍යස්ථානයකට එල්ල කළ ප්‍රහාරයකින් ගිනි ගැනීමක් සහ දේපළ හානි සිදුවූ බව බහරේනය පවසයි; ගල්ෆ් රාජ්‍යයේ පිහිටි අමෙරිකානු හමුදා කඳවුරු දෙකකටද ඉරානයෙන්...

චෙම්මනි සමූහ මිනීවළ පිළිබඳ විමර්ශන විද්‍යාත්මකව සහ අධිකරණ අධීක්ෂණය යටතේ සිදු කෙරේ – අධිකරණ ඇමති

සෙම්මනි සමූහ මිනීවළ පිළිබඳ විමර්ශන විද්‍යාත්මකව සහ අධිකරණ අධීක්ෂණය යටතේ සිදු කෙරේ – අධිකරණ අමාත්‍ය නීතිඥ හර්ෂණ නානායක්කාර පාර්ලිමේන්තුවේදී අවධාරණය කරයි යාපනය, සෙම්මනි සමූහ මිනීවළ...
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img