ක්ලීන් ශ්රීලංකා වැඩසටහනට රාජ්ය නොවන සංවිධාන වල පුර්ණ සහය.ක්ලීන් ශ්රීලංකා වැඩසටහන සදහා රාජ්ය නොවන සංවිධාන වල අදහස් විමසිමේ වැඩසටහනක් පසුගියදා මහජන ආරක්ෂක හා පාර්ලිමේන්තු කටයුතු අමාත්යාංශ ශ්රවණාගාරයේදී පැවැත්විණි.රාජ්ය නොවන සංවිධාන පිළිබඳ ජාතික ලේකම් කාර්යාලයේ කැඳවීමකට අනුව, අමාත්යංශයේ අතිරේක ලේකම් දමයන්ති කරුණාරත්න මහත්මියගේ ප්රධානත්වයෙන්, “ක්ලීන් ශ්රී ලංකා” සඳහා වූ ජනාධිපති විශේෂ කාර්ය ශාදක බලකායේ සහභාගිත්වයෙන් සාකච්ඡාව පැය දෙක හමාරකට අධික කාලයක් පැවති අතර, වැඩසටහන අවසාන භාගයේදී මහජන ආරක්ෂක හා පාර්ලිමේන්තු කටයුතු පිළිබඳ නියෝජ්ය අමාත්ය නීතිඥ සුනිල් වටගල මහතා ද එක් වූ අතර clean sri lanka, වැඩසටහන සඳහා රාජ්ය නොවන සංවිධානවල සහභාගිත්වය හා සහයෝගය ලබා දෙන ලෙස ඉල්ලීමක් ද කෙරිණි. එයට සහභාගි වූ රාජ්ය නොවන සංවිධානවල නියෝජිතයින්, මෙවැනි වැඩසහනක් ඉමහත් බලාපොරොත්තුවෙන් සිටි වැඩසටහනක් බවත්, එම වැඩසටහන තුළින් සමාජයට විශාල බලපෑමක් සිදු කිරීමේ හැකියාවක් පවතින බවත්, එහෙත් වැඩසටහන පිලිබද පූර්ව දැනුවත් කිරීම් සිදු කොට ක්රියාත්මක කිරීමේ අවශ්යතාවයද ඔවුන් විසින් දන්වන ලදී.රාජ්ය නොවන සංවිධාන හා සිවිල් සංවිධාන ජාතික එකමුතුව, ජාත්යන්තර රාජ්ය නොවන සංවිධාන සාමූහිකය හා එම කණ්ඩායම් දෙකටම අයත් නොවන රාජ්ය නොවන සංවිධාන නියෝජනය කරමින් නියෝජිතයන්ද මෙම අවස්ථාවට සහභාගි වී සිටියේය.
