කොරෝනා වෛරස ආසාදිතයින් හඳුනාගැනීම සඳහා නව ක්‍රමවේදයක්
කොරෝනා වෛරස ආසාදිතයින් හඳුනාගැනීම සඳහා පිරිවැය අඩු නව ක්‍රමවේදයක් හඳුන්වාදීමට ඉන්දීය විද්‍යාඥයින් පිරිසක් සමත්වී තිබේ.
එහිදී කඩදාසි තීරුවක් භාවිත කෙරෙන අතර එය ගර්භනී බව හඳුනාගැනීමට සිදුකරන පරීක්ෂණය හා සමාන බව ඉන්දීය මාධ්‍ය වාර්තා පවසයි.
විද්‍යාඥයින් පවසන්නේ මෙම නව වෛද්‍ය පරීක්ෂණයේ ප්‍රතිඵල පැයකට අඩු කාලයකදී ලබාගත හැකි බවත් ඒ සඳහා වැයවන්නේ ඉන්දීය රුපියල් 500කට වඩා අඩු මුදලක් බවත්ය.
එම උපාංග ය ඉන්දියාවේ ජනප්‍රිය ප්‍රබන්ධ රහස් පරීක්ෂක චරිතයක් වන “ෆෙලුඩා” නමින් හඳුන්වා දී තිබේ.
ඉන්දියාවේ විශාලතම පෞද්ගලික ආයතනයක් වන ටාටා සමාගම විසින් ෆෙලුඩා නිෂ්පාදනය කරනු ලබන අතර එය කොවිඩ් පරීක්ෂණ සිදුකිරීම කඩදාසි යොදාගෙන භාවිත කෙරෙන වෙළෙඳපොළේ ඇති ප්‍රථම නිෂ්පාදනය වේ.
