ඇල්පිටිය, යක්කඩුව ප්‍රදේශයේ සිදුකළ වෙඩිතැබීමකින් පුද්ගලයෙකු තුවාල ලබා තිබේ.
ඊයේ (23) රාත්‍රියේ යතුරුපැදියකින් පැමිණි දෙදෙනෙකු විසින් මෙම වෙඩිතැබීම සිදුකර ඇති බව පොලීසිය සඳහන් කළේය.
වෙඩිවැදීමෙන් තුවාල ලැබූ පුද්ගලයා ඇල්පිටිය රෝහළට ඇතුළත් කිරීමෙන් පසු වැඩිදුර ප්‍රතිකාර සඳහා ගාල්ල කරාපිටිය රෝහළ වෙත මාරුකර යවා තිබේ.
වෙඩිවැදීමෙන් තුවාල ලබා ඇත්තේ 26 හැවිරිදි තරුණයෙකු බව පොලීසිය සඳහන් කළේය.
වෙඩිතැබීම සිදුකළ පුද්ගලයින් මෙතෙක් අනාවරණය වී නොමැති අතර ඔවුන් අත්අඩංගුවට ගැනීම සඳහා ඇල්පිටිය පොලීසිය වැඩිදුර විමර්ශන සිදුකරයි.
