දැඩි සෞඛ්‍ය ආරක්ෂිත ක්‍රමවේද යටතේ ව්‍යාපාරික කටයුතු සඳහා දඹුල්ල ආර්ථික මධ්‍යස්ථානය හෙට (05) දිනයේ සිට යළි විවෘත කිරීමට නියමිතය.
ඒ අනුව හෙට උදෑසන 05.00 සිට දඹුල්ල ආර්ථික මධ්‍යස්ථානය යළි විවෘත කෙරෙන බව එහි පාලනාධිකාරිය සඳහන් කරයි.
කොවිඩ් -19 වෛරස ව්‍යාප්තිය හමුවේ දඹුල්ල ආර්ථික මධ්‍යස්ථානය වසා දැමීමට සෞඛ්‍ය බලධාරීන් පසුගියදා පියවර ගෙන තිබුණි.
දඹුල්ල ආර්ථික මධ්‍යස්ථානය තුළ සිදුකළ පී.සී.ආර් පරීක්ෂණවලදී ආසාදිතයින් කිහිපදෙනෙකු ද හඳුනාගැනුණි.
