දරුවන් ලිංගික අපයෝජන සඳහා යොදවා ගැනීමේ චෝදනාව මත සැකකරුවෙක් අත්අඩංගුවට ගත් බව පොලීසිය පවසයි.
අදාළ සැකකරු ගාල්ල උණවටුන ප්‍රදේශයේ පදිංචිකරුවෙකි.
ගාල්ල ප්‍රදේශයේ පාසල් කිහිපයක දරුවන්ගේ දෙමව්පියන් විසින්, පුද්ගලයෙකු තම දරුවන් ලිංගික අපයෝජනයන්ට යොදා ගැනීමක් සම්බන්ධයෙන් ලබාදෙන ලද තොරතුරු අනුව මෙම සැකකරු අත්අඩංගුවට ගෙන තිබේ.
ඒ සම්බන්ධයෙන් අදාළ දරුවන්ගෙන් ද තොරතුරු අනාවරණය කරගෙන ඇති අතර වට්ස්ඇප් මාර්ගයෙන් අපයෝජනයන් සඳහා දරුවන් යොදාගෙන ඇති බව අනාවරණය වී ඇත.
දිවයිනේ විවිධ ප්‍රදේශවල දරුවන් මේ සඳහා සම්බන්ධ කරගෙන ඇති බවත් ඒ සඳහා විවිධ ස්ථාන භාවිත කර ඇති බවත් පොලීසිය පවසයි.
සැකකරු අද (11) අධිකරණය වෙත ඉදිරිපත් කිරීමෙන් පසු ලබන 23 වනදා දක්වා රක්ෂිත බන්ධනාගාරගත කර තිබේ.
