දින දෙකක් තුළ රිය අනතුරුවලින් පුද්ගල මරණ 30ක්
ගත වූ පැය 48 ක කාලය තුළ රිය අනතුරු හේතුවෙන් පුද්ගලයින් 30 දෙනෙකු මියගොස් ඇති බව පොලිස් මාධ්ය ප්රකාශක නියෝජ්ය පොලිස්පති අජිත් රෝහණ මහතා සඳහන් කළේය.
ඔහු වැඩිදුරටත් පැවසුවේ ඉන් මරණ 8ක් ඊයේ (15) වු අනතුරු හේතුවෙන් සිදුව ඇති බවය.
පසුගිය පැය 24ක කාලය තුළ රිය අනතුරුවලින් පුද්ගල මරණ 16ක් වාර්තා වී තිබේ.
ලංකාවේ රිය අනතුරු වැඩිම දින දෙක ලෙස අප්රේල් 14 සහ 15 හැඳින්විය හැකි බවත් පවසන පොලිස් මාධ්ය ප්රකාශකවරයා, අප්රේල් 14 වන දින රිය අනතුරුවලින් මරණ 14ක් වාර්තා වු බවත් පැවසීය.
ඒ අනුව පැය 48ක කාලය තුළ ජීවිත 30ක් පමණ අහිමිව ඇති බවත් ඉන් 12 දෙනෙකුම යතුරුපැදිකරුවන් වන බවත් පැවසු පොලිස් මාධ්ය ප්රකාශකවරයා, අද දිනයේ දී විශේෂ මෙහෙයුමක් රථ වාහන සම්බන්ධයෙන් ක්රියාත්මක බව ද කියා සිටියේය.
මේ අතර, මඩගල්ල – මහව මාර්ගයේ තලංගෙදර ප්රදේශයේ යතුරුපැදි දෙකක් ගැටී සිදුවු අනතුරකින් 52 හැවිරිදි පොල්පිතිගම ලිපිනයේ පදිංචිකරුවෙකු ජීවිතක්ෂයට පත්ව තිබේ.
ඇඹිලිපිටිය – නෝනාගම මාර්ගයේ සිදුවු තවත් යතුරුපැදි අනතුරකින් 24 හැවිරිදි බලංගොඩ ප්රදේශයේ පදිංචිකරුවෙක් ජීවිතක්ෂයට පත්ව ඇත.
කොළඹ – මහනුවර මාර්ගයේ බටපොතැල්ල ප්රදේශයේ දී යතුරුපැදියක් ඉදිරියෙන් ගමන්ගත් රථවාහන කිහිපයකට ඉස්සර කිරීමට යෑමේ දී ඉදිරියෙන් පැමිණි කාර් රථයක ගැටී අනතුරක් සිදුව තිබේ.
අනතුරින් 28 හැවිරිදි අරනායක ප්රදේශයේ පදිංචිකරුවෙක් ජීවිතක්ෂයට පත්ව තිබේ.
මේ අතර නිට්ටඹුවේ වල්ලම්මුල්ල – උණගහදෙණිය මාර්ගයේ රුග්ගහවිල හංදියේ දී යතුරුපැදිකරුට පාලනය කර ගත නොහැකිව මාර්ගයේ පෙරළී ගොස් සිදුවු අනතුරින් 51 හැවිරිදි වේයන්ගොඩ ප්රදේශයේ පුද්ගලයෙක් මියගොස් ඇත.
හලාවත – මීගමුව මාර්ගයේ පෙරියමුල්ල ප්රදේශයේ දී වෑන් රථයක් මාර්ගය හරහා ගමන් ගත් ට්රයිසිකලයක ගැටී සිදුවු අනතුරකින් 63 හැවිරිදි මීගමුව ප්රදේශයේ පදිංචිකරුවෙක් ජීවිතක්ෂයට පත්ව තිබේ.
