අද (14) සිට දුරගමන් සේවා දුම්රිය කිහිපයක් ධාවනයට එක් කිරීමට දුම්රිය දෙපාර්තමේන්තුව තීරණය කර තිබේ.
ක්‍රියාත්මක වන ඇඳිරිනීතිය හේතුවෙන් සාමාන්‍ය පරිදි දුරගමන් සේවා ධාවන කටයුතු සිදුකිරීමට නොහැකිවීම හේතුවෙන් මෙලෙස දුම්රිය කිහිපයක් ධාවනයට යොදවා ඇති බව දුම්රිය සාමාන්‍යාධිකාරි ධම්මික ජයසුන්දර මහතා පැවසීය.
කෙසේවෙතත්, ඇඳිරිනීතිය පැනවීම අවසන් වූ විට දුම්රිය ධාවන කටයුතු සාමාන්‍ය පරිදි සිදුකෙරෙන බව ද ධම්මික ජයසුන්දර මහතා වැඩිදුරටත් ප්‍රකාශ කළේය.
