නැගෙනහිර ජැටිය ගැන ආණ්ඩුවේ නිල මතය
නැගෙනහිර ජැටිය විකිණීමට, බදුදීමට හෝ කොටසක් පැවරීමට ආණ්ඩුව කිසිම තීරණයක් ගෙන නොමැති බව සම කැබිනට් ප්රකාශක, අමාත්ය උදය ගම්මන්පිල මහතා පවසයි.
අද (12) පැවති කැබිනට් තීරණ දැනුම්දීමේ දී මාධ්යවේදිනියක් විසින් අසන ලද පැනයකට පිළිතුරු දෙමින් අමාත්යවරයා මේ බව සඳහන් කළේය.
ප්රශ්න –
නැගෙනහිර ජැටිය සම්බන්ධයෙන් විවිධ මත පළවෙනවා, අමාත්ය රෝහිත අබේගුණවර්ධන මහතා පවසනවා 51%ක අයිතියක් රජයට තියාගෙන ප්රතිව්යුහ ගතකරන්න සූදානමක් තිබෙනවා කියලා. අග්රාමාත්යවරයා පවසනවා මේක විකිණීමේ කිසිසේත්ම ක්රමවේදයක් නැහැ කියලා. ඊයේ දිනයේදී ජැටිය සුරැකීමේ සංවිධානයක් පවා බිහි වුණා, මොකක්ද මේ රජයේ මතය මේ සම්බන්ධයෙන් ?
“මෙම ජැටිය පෞද්ගලික සමාගමකට විකිණීමට හෝ බදු දීමට හෝ කොටසක් පැවරීමට ආණ්ඩුව කිසිම තීරණයක් අරගෙන නැහැ. එය තමයි අගමැතිතුමාගෙන් පාර්ලිමේන්තුව තුළ ප්රකාශයට පත්වූණේ, ආණ්ඩුවේ නිල මතය.“
ප්රශ්න –
කැබිනට් සංශෝධනයක් එනවා කියලා, අමාත්ය මණ්ඩල සංශෝධනයක් එහෙම දෙයක් ඉදිරියට වෙන්න තිබෙනවාද ?
“අමාත්ය මණ්ඩල සංශෝධන පිළි බඳව ආණ්ඩුක්රම ව්යවස්ථවේ සඳහන් වෙන්නේ අගමැති තුමාගේ අදහස් විමසා ජනාධිපතිවරයාට අමාත්ය මණ්ඩල ඕනෑම මොහොත කළ හැකියි. එහෙම විමසීමකින් තොරවම කරන්නට පුළුවන් දේ තමයි විෂයන් මාරු කිරීම. ඒ නිසා මෙය ජනාධිපතිතුමාගේ ඇසියයුතු ප්රශ්නයක් මිස අපිට පිළිතුරු දීමට හැකි ප්රශ්නයක් නොවේ.“
