නිරෝධායන ඇඳිරිනීතිය පනවා ඇති කාලය තුළ පොලිස් රාජකාරී සිදුකළ යුතු ආකාරය ගැන පැහැදිලි කරමින් පොලිස්පතිවරයා විසින් පොලිස් ප්‍රධානීන් දැනුවත් කරමින් නිවේදනයක් නිකුත් කර ඇත.
එහි දැක්වෙන්නේ, නිරෝධායන ඇඳිරිනීතිය පැනවීමේ අරමුණ ආර්ථික නිෂ්පාදන ක්‍රියාවලියට බාධා නොවන පරිදි තම බලප්‍රදේශය තුළ ක්‍රියාත්මක කිරීමේ වගකීම පළාත් භාර ජ්‍යෙෂ්ඨ නියෝජ්‍ය පොලිස්පතිවරුන්, දිසා භාර නියෝජ්‍ය පොලිස්පතිවරුන්, කොට්ඨාස භාර නිලධාරීන් සහ දිස්ත්‍රික් භාර ජ්‍යෙෂ්ඨ රාජ්‍ය නිවේදිත නිලධාරීන් විසින් දැරිය යුතු අතර අදාළ නිලධාරීන් අධීක්ෂණය කර ඒ සඳහා සුදුසු උපදෙස් ලබාදිය යුතු බවය.
දිවයිනම ආවරණය වන පරිදි ඊයේ රාත්‍රී 10 සිට එලඹෙන 30 වනදා අලුයම 4 දක්වා නිරෝධායන ඇඳිරිනීතිය පනවා තිබේ.
එම නිවේදනය පහතින්,
