බෞද්ධකම සිංහලයන්ටවිතරක් අයිති කර ගැනිම අසාධාරණයි.
රටේ ඒකියභාවයට හානි කිරිම සදහා ඇතැම් පාර්ශවයන් යුද්ධයකින් ව්යවස්ථා සංශෝධනයකින් සහ විවධ යෝජනා ඉදිරිපත් කරමින් උත්සහ දැරූ බව නැගෙනහිර පළාත් ආණ්ඩුකාර අනුරාධා යහම්පත් මහත්මිය පැවසුවාය.
එවැනි බලපෑම් හමුවේ රටේ ඒකියභාවය ආරක්ෂා කිරිමට ත්රිවිධ හමුදාව ඇතුළු විවිධ පාර්ශවයන් විශාල කැප කිරිම් කළ බවද ආණ්ඩුකාරවරිය කීවාය. යුද්ධය ජයග්රහණය කළ ද අපේ භික්ෂුන් වහන්සේලා භූමිය ආරක්ෂා නොකළේ නම් අද වන විට එම භූමිවලින් කිසිදු ප්රයෝජනයක් ගත නොහැකි තත්වයට පත් වන බව ද ආණ්ඩුකාරවරිය කීවාය.
කල්කුඩා සිරි සීලාලංකාර පිරිවෙන ආරම්භ කිරිමේ උත්සවයට එක් වෙමින් ආණ්ඩුකාරවරිය මේ බව කියා සිටියාය. එහිදී වැඩිදුරටත් අදහස් දැක්වූ අනුරාධා යහම්පත් මහත්මිය මෙසේ ද කීවාය.
“සංහිදියා වැඩපිළිවෙල පසුගිය කාලවල අවභාවිතයට ලක් වුණා. අද අපි බොහෝ අභියෝග මධ්යයේ නැගෙනහිර පළාත තුළ මේ පිරිවෙන ආරම්භ කළේ සැබෑ සංහිදියාව ඇතිකරන්නයි. මෙම ක්රියාවලිය තුළින් තමයි අපි ප්රාර්ථනා කරන සැබෑ සංහිදියාව තියෙන්නේ අද මේ පිරිවෙනට සියලු දරුවන්ට ජාතිභේදයකින් තොරව එන්න පුළුවන්. මෙයින් සියලු ජන කොටස් වලට බෞද්ධ දර්ශනය ඉගෙන ගන්න අවස්ථාව ලැබෙනවා. බෞද්ධකම සිංහලයන්ට පමණක් අයිති කර ගැනීම අසාධාරණයි. මෙය අපි සියලු ජාතීන්ට ලබාගන්න පුළුවන් වෙන්න ඕනේ. එය සැමදෙනාගේම අයිතියක්.
අපි අධ්යාපනය අතින් වෙළදාම අතින් ක්රිඩාව අතින් ලෝකය ජය ගන්න හදනවා. නමුත් අපි හිතන්න ඕනේ, ලෝකය ජය ගන්න ඕනේ, බෞද්ධ දර්ශනය තුළින් ඒ වෙනුවෙන් අධිෂ්ඨානයක් ඇති කරගත යුතුයි” යැයි ද ආණ්ඩුකාරවරිය කීවාය.
මෙම අවස්ථාව සඳහා මහසංඝරත්නය, සමස්ත ලංකා බෞද්ධ මහ සම්මේලනයේ සභාපති ජගත් සුමතිපාල, ආණ්ඩුකාර ලේකම් එල්.පී.මදනායක, ත්රිවිධ හමුදා නිළධාරින් ඇතුළු පිරිසක් ද එක්ව සිටියහ.
