මහින්ද රාජපක්ෂ මහතා අග්රාමාත්ය ධූරයේ දිවුරුම් දීමේ උත්සවේ සජීවී විකාශය කැළණි රජමහා විහාරයේ සිට බලාපොරොත්තු වන්න.
නිදහසින් පසුව ශ්රී ලංකාවේ 28 වැනි අග්රාමාත්යවරයා වශයෙන් මහින්ද රාජපක්ෂ මහතා අද උදෑසන ඓතිහාසික කැලණි රජ මහා විහාර පූජාභූමි පරිශ්රයේදී ජනාධිපති ගෝඨාභය රාජපක්ෂ මහතා ඉදිරියේ දිවුරුම් දීමට නියමිතයි. සිය පාර්ලිමේන්තු දේශපාලනයට වසර 50 ක් ගත වන අවස්ථාවේදී මහින්ද රාජපක්ෂ මහතා පාර්ලිමේන්තු මන්ත්රීවරයෙක් කැබිනට් අමාත්යවරයෙකු හා විපක්ෂ නායක වරයෙකු ලෙස කටයුතු කර ඇති අතර මීට පෙර තෙවරක් ම මේ රටේ අග්රාමාත්යවරයා ලෙස ද කටයුතු කර තිබේ. මේ අනුව මහින්ද රාජපක්ෂ මහතා අග්රාමාත්ය ලෙස අද දින දිව්රුම් දෙන්නේ සිව්වෙනි වරට වීම විශේෂත්වයකි. මේ රටේ විධායක ජනාධිපතිවරයා ලෙස දෙවරක් තේරීපත්වූ මහින්ද රාජපක්ෂ මහතා වසර 30ක ත්රස්තවාදය අවසන් කිරීමෙන් අනතුරුව රට තුළ ශීඝ්ර සංවර්ධනයක් ඇති කිරීමට දායකත්වය ලබා දුන්නේය.
