මහ බැංකුවේ 70වැනි සංවත්සර සමරු කාසිය අග්රාමාත්යතුමාට පිළිගන්වයි
ශ්රී ලංකා මහ බැංකුවේ 70වැනි සංවත්සරය නිමිත්තෙන් නිකුත් කළ රුපියල් 20ක් වන සමරු කාසිය මුදල් අමාත්ය ගරු අග්රාමාත්ය මහින්ද රාජපක්ෂ මහතාට අද 2021.02.26 දින පෙරවරුවේ අරලියගහ මන්දිරයේ දී පිළිගැන්වීය.
මහ බැංකු අධිපති දේශමාන්ය මහාචාර්ය ඩබ්ලිව්.ඩී.ලක්ෂ්මන් මහතා විසින් රුපියල් 20 සමරු කාසිය අග්රාමාත්යතුමාට පිළිගන්වන ලදි.
මෙම රුපියල් 20 නව කාසිය අනෙකුත් ව්යවහාර මුදල් නෝට්ටු සහ කාසි සමඟ ගෙවීම් සඳහා 2021 මාර්තු 03වැනි දින සිට සංසරණය සඳහා නිකුත් කෙරෙනු ඇත.
රාජ්ය අමාත්ය අජිත් නිවාඩ් කබ්රාල්, මහ බැකු අධිපති දේශමාන්ය මහාචාර්ය ඩබ්ලිව්.ඩී.ලක්ෂ්මන් මහත්වරු සහ ශ්රී ලංකාවේ ඔස්ට්රේලියානු මහ කොමසාරිස් ඇතුළු පිරිසක් මෙම අවස්ථාවට එක්ව සිටියහ.
