මහ බැංකුව කැඩූ දේශපාලනඥයින් හතර දෙනකුට නඩු.
රී ලංකා මහ බැංකුවේ බැඳුම්කර වංචාව සිදු කිරීම සඳහා උපදෙස් ලබාදෙමින් මැදිහත් වූ පසුගිය යහපාලන ආණ්ඩුවේ ප්රබල දේශපාලඥයින් හතර දෙනකුට එරෙහිව ඉදිරි ශ්රී ලංකා පොදුජන පෙරමුණු ආණ්ඩුවක් යටතේ අධිකරණයේ නඩු පැවරීමට කටයුතු කරන බව හිටපු අධිකරණ අමාත්ය ජනාධිපති නීතිඥ විජයදාස රාජපක්ෂ මහතා ලංකා s නිව්ස් වෙත ප්රකාශ කළේය. ශ්රී ලංකා මහ බැංකුවේ බැඳුම්කර වංචාව පිළිබඳව පසුගිය යහපාලන ආණ්ඩුව මගින් නිසියාකාරව පරීක්ෂණ සිදු නොකළ බවත් දේශපාලනඥයින් බේරාගෙන අනිකුත් අයට පමණක් චෝදනා එල්ල කිරීමට කටයුතු සිදු කළ බවත් විජේදාස රාජපක්ෂ මහතා විසින් පෙන්වා දෙන ලදී. මේ නිසා එම දේශපාලඥයින් සිව්දෙනා දැනට ශ්රී ලංකා මහ බැංකුවේ බැඳුම්කර වංචාවට වගනොකියන ආකාරයෙන් කටයුතු කරන බවත් ඉදිරි පාර්ලිමේන්තු මහ මැතිවරණයෙන් පසු මෙම තත්වයන් සියල්ල වෙනස් වන බවත් විජයදාස රාජපක්ෂ මහතා වැඩිදුරටත් ප්රකාශ කළේය.
