බිරිඳ සමග ආරවුලක් ඇති කර ගැනීමෙන් අනතුරුව තමන් පදිංචිව සිටි නිවසට ගිනි තබා හානි කළ බව පැවසෙන පුද්ගලයෙකු පල්ලම පොලීසිය විසින් අත්අඩංගුවට ගෙන තිබේ.
එලෙස අත්අඩංගුවට පත්ව ඇත්තේ පල්ලම, කළුකැලේ පදිංදි අයෙකි.
ඊයේ (18) සවස 5.00ට පමණ සැකකරු තම නිවසට ගිනි තබා ඇති අතර, මේ බව දැනගත් ප්‍රදේශවාසීන් වහාම ක්‍රියාත්මක වී ගින්න නිවා දැමීමට කටයුතු කර ඇත.
ගින්න හේතුවෙන් කිසිවෙකුටත් හානියක් සිදුව නොමැති අතර නිවසේ තිබූ භාණ්ඩ පිළිස්සී ගොස් ඇතැයි පොලීසිය පවසයි.
