ජයේ ඉදිරි ගමනට සහය වන ලෙස ජනාධිපති ගෝඨාභය රාජපක්ෂ මහතා වියත්මග සංවිධානයෙන් ඉල්ලිමක් කර තිබේ.
එහිදි ජනාධිපතිවරයා ප්‍රකාශ කර ඇත්තේ, දේශපාලන අධිකාරිය මැදිහත් වියයුතු තැන් හඳුනාගෙන ඊට සම්බන්ධ නොවී රටේ ඉදිරි ගමන වෙනුවෙන් සැලසුම් හා ප්‍රතිපත්ති සැකසීමේ වගකීම වියත්මග සංවිධානය ඉදිරියේ පවතින බවය.
රාජ්‍ය අමාත්‍යාංශවල ඉදිරි ක්‍රියාකාරීත්වයට අවශ්‍ය මඟපෙන්වීම් සිදුකිරීමට ද එම සංවිධානයට හැකි බව ජනාධිපති ගෝඨාභය රාජපක්ෂ මහතා වියත්මග සංවිධානයේ සමාජිකයන් වෙත ප්‍රකාශ කර තිබේ.
සියලු සංවර්ධන ක්‍රියාදාමයන් පරිසරය ආරක්ෂා වන අයුරින් කරගෙන යාමට වග බලා ගත යුතු යැයිද ජනාධිපතිවරයා මෙහිදී වැඩිදුරටත් පවසා ඇත.
ජනාධිපති ධූරයට පත්වීමෙන් පසු වියත්මග සභාපතිවරයා ලෙස ඊයේ (13)පස්වරුවේ ඇතුල්කෝට්ටේ වියත්මග කාර්යාලයේ දී පළමුවරට සාමාජිකයන් හමුවෙමින් ජනාධිපතිවරයා එම අදහස් ප්‍රකාශ කර ඇත.
වියත්මග විධායක සභාවේ දී ගත් තීරණ සංවිධානයේ ක්‍රියාකාරී සාමාජිකයන්ට පැහැදිලි කළ ඇති ජනාධිපතිවරයා ප්‍රාදේශීය මට්ටමෙන් ප්‍රතිපත්ති සම්පාදනයට දායක වීමේ හැකියාව අවධාරණය කර තිබේ.
විවිධ ක්ෂේත්‍ර නියෝජනය කෙරෙන පරිදි නව සාමාජිකයන් බඳවා ගැනීමේ අවශ්‍යතාව කෙරෙහිද අවධානය මෙහිදී යොමු කර ඇත.
2016 වසරේ අප්‍රේල් මස ඇරඹී වියත්මග, විවිධ ක්ෂේත්‍ර ඇතුළත් පුළුල් පරාසයක විහිදුණු, උගතුන්ගෙන් බුද්ධිමතුන්ගෙන් සහ ව්‍යවසායකයන්ගෙන් සැදුම්ලත් සංවිධානයකි.
