ලබන වසරේ පළමු පාර්ලිමේන්තු රැස්වීම පැවැත්වෙන දිනය
2021 වසරේ පළමු පාර්ලිමේන්තු රැස්වීම ජනවාරි 05 වැනිදා පැවැත්වීමට පාර්ලිමේන්තු කටයුතු පිළිබඳ කාරක සභාව අද (08) තීරණය කළ බව පාර්ලිමේන්තුවේ මහ ලේකම් ධම්මික දසනායක මහතා පැවසීය.
ලබන වසරේ මුල් පාර්ලිමේන්තු රැස්වීමේදී විවාදයටගනු ලබන කරුණු පිළිබඳව “පාර්ලිමේන්තු කටයුතු පිළිබඳ කාරක සභාව” නැවත වරක් රැස්වී තීරණයක් ගැනීමට නියමිතව තිබේ.
කථානායක මහින්ද යාපා අබේවර්ධන මහතාගේ ප්රධානත්වයෙන් පැවති මෙම රැස්වීමේදී, රජයේ මුදල් කාරක සභාවේ සාමාජිකයන්ගේ ගණන වැඩිකිරීමට තීරණය වූ බවද දසනායක මහතා පැවසීය.
ඒ අනුව එම කාරක සභාවේ සාමාජිකයින් ගණන 18 සිට 21 දක්වා වැඩිවන අතර ආණ්ඩු පක්ෂයට එක් සාමාජිකත්වයක් ද, විපක්ෂයට සාමාජිකත්වයන් 02ක් ද එකතු වනු ඇත.
