කොරෝනා ව්යසනය හේතුවෙන් බලවත් පීඩාවකට සහ අසාධාරණත්වයකට පත්වූ පිරිසක් බවට ආබාධිත සහ විශේෂ අවශ්යතා සහිත ප්රජාව හඳුන්වාදිය හැක.මේ වනවිට විවිධ පාර්ශව කොරෝනා ඒන්නත පිළිබඳව සිය අවශ්යතාවය සහ ප්රමුඛතාවය ඉදිරිපත් කරන නමුත්,ඒ් ප්රමුඛතා ලයිස්තුවල මෙරට ආබාධිත සහ විශේෂ අවශ්යතා සිහිත පිරිස් ඇතුලත්ව නැත. 2012 වර්ෂයේ දී කළ සංගණනය ප්රකාරව මෙරට ආබාධිත වූවන් මිලියන 1.7ක් සිටින බව හඳුනාගෙන ඇති අතර ඔවුන්ගෙන් අතිමහත් බහුතරය මේවනවිට සිටින්නේ දැඩි සමාජ,ආර්ථික ගැටලු රැසකට මැදිවය. ඔවුන් බොහෝ දෙනෙකුගේ ජීවන මාර්ග බිඳ වැටී ඇති අතර ඒ් හේතුකොටගෙන ආදායම් මාර්ග සම්පූර්ණයෙන්ම පාහේ කඩා වැටී ඇත.කොරෝනා ව්යසනය හේතුවෙන් උද්ගතව ඇති බරපතල කඩා වැටීමෙහි දරුණු ඛේදවාචකය ආබාධිත, විශේෂ අවශ්යතා ඇති පිරිස භුක්ති විඳිමින් සිටී.කොරෝනා මර්ධනය පිණිස සිදුකරන එන්නත්කරණය දැඩි සේ දේශපාලනීකරණය වී ඇති අතර ආණ්ඩුවේ පාක්ෂිකයෙකු වීම සහ නොවීම ජීවත් වීමට හෝ නොවීමට හේතුවක් බවට පත්කර ඇත. මෙතරම් ලජ්ජාසහගත සහ බියගුළු ලෙස සෞඛ්යමය කාරණාවක් අබියස මිනිස් ජීවිත බෙදා වෙන් කිරීම ගෝත්රික සමාජයක හෝ දැකිය නොහැකි තත්ත්වයක් වුවද අද එය එතරම්ම පහළට වැටී ඇත. එවන් පසුබිමක් සහ එන්නත්කරණ මාෆියාවක් තුළ අසරණ වන්නේ නැතිබැරි පිරිස් වන අතර ආබාධිත ප්රජාවද එහි ගොදුරක් වෙයි.ආබාධ සහිත පුද්ගලයා සහ ආබාධ නොවන සමාන්ය පුරවැසියා ද සම අයිතිවාසිකම් සහ වරප්රසාද සහිතව සමාජය තුළ ජීවත් විය යුතු අතර, ආබාධ සහිත පුද්ගලයන්ගේ සුරක්ෂිත බව වෙනුවෙන් වූ පසුබිම සලසා දීම රජයේ වගකීම වන අතර ශිෂ්ඨත්වය පිළිබඳව අංශුමාත්රයක හැඟීමක් තිබේනම් මෙරට ජීවත්වන ආබාධිත විශේෂ අවශ්යතා ඇති පිරිස් වෙත එන්නත්කරණය සිදුකරන ලෙස ආණ්ඩුවෙන් ඉල්ලා සිටිමු.
විපක්ෂ නායක සජිත් ප්රේමදාස මහතා නිකුත් කළ නිවේදනය…. සියලු ආබාධිත ප්රජාවට එන්නත්රණයේ ප්රමුඛතාව දෙමු!
