විපක්ෂ බලවේගයේ දෙවෙනි අදියරත් අද ඇරඹේ!
ආණ්ඩු විසින් ක්‍රියාත්මක කරන ප්‍රජාතන්ත්‍ර විරෝධී කටයුතු වලට එරෙහිව දැවැන්ත බලවේගයක් ලෙස එක්ව කටයුතු කිරීම උදෙසා විපක්ෂයේ කණ්ඩායම් රැසක් මුලපුරනු ලැබූ අතර එහි දෙවැනි අදියර ලෙස විපක්ෂය කණ්ඩායම් කිහිපයක් අද(25) පාර්ලිමේන්තුවේ පාර්ලිමේන්තුවේදී රැස් විය. වර්තමානයේ උද්ගතව ඇති දේශපාලනික, ආර්ථික හා සමාජයීය ප්‍රශ්න හමුවේ ආණ්ඩුව විසින් ක්‍රියාත්මක කරනු ලබන අත්තනෝමතික, වැඩපිළිවෙළට එරෙහිව විපක්ෂයේ සියලු දේශපාලන පක්ෂ එකට එක්වී පොදු වැඩපිළිවෙලක් සැකසීම සඳහා සමගි ජනබලවේගය ප්‍රමුඛ විපක්ෂයේ කණ්ඩායම් රැසක් ඊයේ පාර්ලිමේන්තුවේ දී එකට එක් වූයේ විපක්ෂ නායක සජිත් ප්‍රේමදාස මහතාගේ ප්‍රධානත්වයෙනි.
අද එහි දිගුවක් ලෙස පැවති රැස්වීමට දෙමළ සන්ධානය නියෝජනය කරන මන්ත්‍රීවරුන් මෙන්ම ආණ්ඩුවෙන් ස්වාධීන වී පාර්ලිමේන්තුවේ කටයුතු කරන මහජන නියෝජිතයින් කිහිප දෙනෙක්ද එක්ව සිටියහ.
