ශ්‍රී ලංකාවේ ඉන්දියානු සම්භවයක් සහිත ජනතාව විදේශ කටයුතු අමාත්‍ය විජිත හේරත්ගේ ඇගයීමට ලක්විය. ශ්‍රීලංකාවේ ඉන්දියානු සම්භවයක් සහිත ජනතාව නියෝජනය කරන GOPIO Sri Lanka සංවිධානයේ රිදී ජුබිලි සැමරුමට විදේශ කටයුතු අමාත්‍ය විජිත හේරත් මහතා සහභාගී විය. එම උත්සවයෙන් අනතුරුව විජිත හේරත් අමාත්‍යවරයා සිය X ගිණුමේ කරන ලද සටහන පහත දැක්වේ.
ශ්‍රී ලංකාවේ ඉන්දියානු සම්භවයක් ඇති ජනතාව නියෝජනය කරන GOPIO Sri Lanka සංවිධානයේ රිදී ජුබිලි සැමරුමට සහභාගී වීමට ලැබීම මට ගෞරවයක්. අධ්‍යාපනය, නායකත්වය, නවෝත්පාදනය සහ ව්‍යවසායකත්වය වැනි ක්ෂේත්‍රවල පසුගිය වසර 25 තුළ සංවිධානය විසින් සිදු කරන ලද විශිෂ්ට කාර්යය මම සැබවින්ම අගය කරමි. මෙම අවස්ථාවට ශ්‍රී ලංකාවේ වෙසෙන ඉන්දියානු සම්භවයක් ඇති විද්වතුන්, ව්‍යාපාරික නායකයින් සහ දේශපාලන චරිත මෙන්ම විවිධ රටවල් නියෝජනය කරන GOPIO සාමාජිකයින් සහභාගී වූහ.
