හෙට (16) දිනයේ අධිකරණ කටයුතුවලින් බැහැරවීමට තීරණය කළ බව ශ්රී ලංකා නීතිඥ සංගමයේ සභාපති රජීව් අමරසූරිය මහතා පවසයි. එම සංමගම මෙම තීරණය ගෙන ඇත්තේ, වසර 14කට පසුව අද (15) පැවැති මහසභා රැස්වීමේදීය. ඊට නීතිඥයින් 3500ක් පමණ සහභාගී වූ බවත් ඇතැම් පිරිස් සූම් තාක්ෂණය ඔස්සේ අදාළ රැස්වීමට එක්වූ බවත් ඔහු ප්රකාශ කළේය. එහිදී අකුරේගොඩ ප්රදේශයේදී නීතිඥවරයෙකුට හා ඔහුගේ බිරිඳට වෙඩි තබා ඝාතනය කිරීම සම්බන්ධයෙන් දීර්ඝ වශයෙන් සාකච්ඡා කළ බව රජීව් අමරසූරිය මහතා කියාසිටියේය. මෙම රැස්වීමේදී සුවිශේෂ තීරණ සුවිශේෂ තීරණ රැසක් ගත් බව ද සභාපතිවරයා කීය. ඒ අනුව වර්තමානයේ අපේ රටේ පවතින ඝාතන සංස්කෘතිය අවසන් කිරීමටත් මහජන ආරක්ෂාව තහවුරු කිරීමටත් රජයට බල කර සිටීමට යෝජනා කිරීමට තීරණය කර ඇත. මෙම කෘෘර අපරාධය සම්බන්ධයෙන් වගකිව යුතු සියලුදෙනා වහාම අත්අඩංගුවට ගෙන නෛතික ක්රියාමාර්ග ගන්නා ලෙස පොලීසිය සහ මහජන ආරක්ෂාව සම්බන්ධ ආයතනවලින් ඉල්ලා සිටින බව ද ඔහු ප්රකාශ කළේය. තහවුරු නොකරන ලද තොරතුරු සමාජගතකිරීම හෝ සත්ය බවට හුවා දැක්වීම සම්බන්ධයෙන් පොලීසියට හා අදාළ පාර්ශ්වයන්ගෙන් දැඩි අප්රසාදය පළ කර බව සභාපතිවරයා වැඩිදුරටත් කියාසිටියේ.
