නිරෝධායන මධ්යස්ථානවල පුද්ගලයින් 7000ක්
ත්රිවිධ හමුදාව යටතේ පාලනය වන නිරෝධායන මධ්යස්ථානවලදී පුද්ගලයින් 47,102 දෙනෙකු නිරෝධායන ක්රියාවලිය අවසන් කර තිබේ.
අද (01) දිනයේද නිරෝධායන ක්රියාවලිය අවසන් කළ පුද්ගලයින් 19 දෙනෙකු නිවෙස් වෙත පිටත් කර හැරීමට නියමිත බව කොවිඩ් – 19 පැතිරීම වැලැක්වීමේ ජාතික ක්රියාන්විත මධ්යස්ථානය සඳහන් කළේය.
නිරෝධායන මධ්යස්ථාන 78 ක පුද්ගලයින් 7052 දෙනෙකු තවදුරටත් නිරෝධායනය වෙමින් සිටින බව සඳහන් වේ.
මේ අතර කොවිඩ් -19 වසංගත තත්ත්වය හේතුවෙන් මෙරටට පැමිණීමට නොහැකිව විදෙස් ගතව සිටි ශ්රි ලාංකිකයින් 332 දෙනෙකු අද උදෑසන දිවයිනට පැමිණ ඇත.
දෝහා කටාර් සිටි පුද්ගලයින් 303 දෙනෙකු, අබුඩාබිහි සිටි පුද්ගලයින් 18 දෙනෙකු , සහ චෙන්නායි හි සිටි පුද්ගලයින් 11 දෙනෙකු අද උදෑසන දිවයිනට පැමිණි බව කොවිඩ් – 19 පැතිරීම වැළැක්වීමේ ජාතික ක්රියාන්විත මධ්යස්ථානය සඳහන් කළේය.
