මෙරට කොවිඩ් තත්ත්වය
ඊයේ (11) දිනය තුළ මෙරටින් කොරෝනා ආසාදිතයින් 635ක් හඳුනාගත් අතර, මෙරට සමස්ථ ආසාදිතයින් ගණන 15,350ක් දක්වා ඉහළ ගියේය.
ඊයේ හඳුනාගත් ආසාදිතයින්ගෙන් දස දෙනෙක් විදේශීය රටවල සිට මෙරටට පැමිණි ලාංකීකයන් වේ.
මේ අතර මිනුවන්ගොඩ කොවිඩ් පොකුර 11,857ක් දක්වා ඉහළ ගොස් ඇතැයි කොවිඩ් – 19 පැතිරීම වැළැක්වීමේ ජාතික ක්රියාන්විත මධ්යස්ථානය නිවේදනය කරයි.
මේ අතර අද දිනයේ දීත් පාකිස්ථානයේ සිට පුද්ගලයින් 25 දෙනෙක්, දෝහා කටාර් සිට පුද්ගලයින් 31 දෙනෙක් සහ ඕමාන් සිට පුද්ගලයින් 20 දෙනෙක් මෙරටට පැමිණීමට නියමිතව තිබේ.
ත්රිවිධ හමුදාව විසින් පවත්වාගෙන යනු ලබන නිරෝධායන මධ්යස්ථානවලින් අද පුද්ගලයින් දෙදෙනෙක් නිවෙස් බලා පිටව යෑමට නියමිතය.
තවත් පුද්ගලයින් 2,690ක් නිරෝධායන මධ්යස්ථාන 29ක් තුළ සිටී.
ඊයේ දිනයේ දී පීසීආර් පරීක්ෂණ 10,207ක් සිදුකර ඇති අතර මෙරට සිදුකර ඇති සමස්ථ පරීක්ෂණ ගණන 629,315ක් බව එම මධ්යස්ථානය සඳහන් කරයි.
ඊයේ දිනය වන විට මෙරට කොවිඩ් මරණ 46ක් වාර්තා වෙන අතර, රෝහල්ගතව ප්රතිකාර ලබන ආසාදිතයින් ගණන 5,121ක් දක්වා ඉහළ ගොස් තිබේ.
