අපරාධ පරීක්ෂණ දෙපාර්තමේන්තුව භාරව කටයුතු කළ හිටපු ජ්‍යෙෂ්ඨ නියෝජ්‍ය පොලිස්පති රවී සෙනෙවිරත්න මහතා අද (20) පාස්කු ප්‍රහාරය පිළිබඳ විමර්ශනය කෙරෙන ජනාධිපති පරීක්ෂණ කොමිසම හමුවේ පෙනී සිටිමට නියමිතව තිබේ.
ඔහු කොමිසම හමුවේ පෙනී සිටින දෙවන අවස්ථාව මෙයයි.
මේ අතර පාස්කු ඉරුදින කොළඹ සිනමන් ග්‍රෑන්ඩ් හෝටලයෙදී මරාගෙන මැරෙන බොම්බය පුපුරවා ගත් මෙහොමඩ් ඊබ්‍රහිම් අන්සාෆ් අහමඩ් සහ තම ඥාති දියණිය අතර සිදුවූ විවාහයට සාක්ෂිකරුවෙකු ලෙස අත්සන් කරන ලද්දේ තමා වන්නට ඇති බව පාර්ලිමේන්තු මන්ත්‍රී රිෂාද් බදියුදීන් මහතා පවසයි.
දැනට රක්ෂිත බන්ධනාගාරගතව සිටින මන්ත්‍රීවරයා ඊයේ (19) ස්කයිප් තාක්ෂණය ඔස්සේ පළමුවරට කොමිසම හමුවේ සාක්ෂි ලබාදුන්නේය.
