පළාත් පාලන ආයතන 341 ක මාර්ග 341 ක් සංවර්ධනය (29) ඇරඹේ.
අතිගරු ජනාධිපති ගෝඨාභය රාජපක්ෂ මහතාගේ පදවි ප්‍රාප්තියේ පළමු වර්ෂ පූර්ණය නිමිති කොටගෙන පළාත් පාලන ආයතන 341 ක මාර්ග 341 ක් සංවර්ධනය කිරීමේ කටයුතු (29) දින ආරම්භ කරන බව ග්‍රාමීය මාර්ග හා අවශේෂ යටිතල පහසුකම් රාජ්‍ය අමාත්‍ය නිමල් ලාන්සා මහතා පැවසීය.
”සෞභාග්‍යයේ දැක්ම” ජාතික ප්‍රතිපත්තිය යථාර්ථයක් කරනු පිණිස කිලෝ මීටර් ලක්ෂයක් සංවර්ධනය කිරීමේ ජාතික වැඩසටහනට සමගාමීව ලංකාව පූරා මෙය ක්‍රියාත්මක කිරීමට සැලසුම් කර තිබේ. සමාරම්භක උත්සවය ජා – ඇල ප්‍රාදේශීය සභා බල ප්‍රදේශයේ මාර්ග සංවර්ධන කටයුතු ආරම්භ කරමින් මහාමාර්ග අමාත්‍ය ජොන්ස්ටන් ප්‍රනාන්දු මහතාගේ ප්‍රධානත්වයෙන් පැවැත්වීමට කටයුතු යොදා තිබේ.
