විදෙස් රටවල නිපදවා ඇති කොවිඩ් එන්නත් පිළිබඳ සවිස්තරාත්මක අධ්යයනයක් කිරීමෙන් පසුව අදාළ රටවල් සහ මෙරට සෞඛ්ය බලධාරීන් සමග සාකච්ඡා කොට අවශ්ය ක්රියාමාර්ග සම්බන්ධීකරණය සඳහා ජනාධිපති ප්රධාන උපදේශක ලලිත් වීරතුංග මහතාට බලය පවරා තිබේ.
දෛනිකව රැස්වන කොවිඩ් කමිටුව ජනාධිපති කාර්යාලයේ අද (22) පැවති සාකච්ඡාවේදී එම තීරණයට එළැඹුණු බව ජනාධිපති මාධ්ය අංශය පැවසීය.
කොවිඩ් එන්නත ලබාදිය යුතු කණ්ඩායම්, අවශ්යතාව සහ ප්රමුඛතාව අනුව තීරණය කෙරේ.
වතු, මහල් නිවාස, නේවාසිකාගාර ඇතුළුව රෝගය පැතිරයාමේ වැඩි අවදානමක් ඇති ස්ථාන සහ කණ්ඩායම් පිළිබඳව දත්ත රැස් කිරීමට ද තීරණය කෙරිණ.
මේ වනවිට අමෙරිකාව, එංගලන්තය, චීනය ප්රමුඛ රටවල් කිහිපයක් කොවිඩ් එන්නත් නිපදවා තිබේ.
