නිරෝධායන නීති කැඩූ තවත් පිරිසක්
පසුගිය පැය 24ක කාලය තුළ නිරෝධායන රීතින් කඩකල පුද්ගලයින් 25 දෙනෙකු අත්අඩංගුවට ගෙන තිබේ.
මුහුණු ආවරණ නොපැලඳීම සහ දුරස්ථභාවය පවත්වා නොගැනීම් සම්බන්ධයෙන් මොවුන් අත්අඩංගුවට ගෙන ඇති බව පොලිස් මාධ්ය ප්රකාශක නියෝජ්ය පොලිස්පති අජිත් රෝහණ මහතා පැවසුවේය.
ඒ අනුව ඔක්තෝබර් මස 30 වන දින සිට මේ දක්වා කාලය තුළ නිරෝධායන රීතීන් කඩකල පුද්ගලයින් 2021 දෙනෙකු පමණ අත්අඩංගුවට ගෙන තිබේ.
ඉදිරියටත් මෙම මෙහෙයුම් සිදුකෙරෙන අතර නිරෝධායන රීතීන්ට අනුගත වෙමින් කටයුතු කරන ලෙස පොලීසිය මහජනතාවගෙන් ඉල්ලීමක් කරයි.
මේ අතර කාන්තක්කුඩි සහ රඹුක්කන ප්රදේශ අශ්රිත ග්රාම නිලධාරී වසම් කිහිපයක් ද හුදකලා කර ඇති බව පොලිස් මාධ්ය ප්රකාශක නියෝජ්ය පොලිස්පති අජිත් රෝහණ මහතා සඳහන් කළේය.
