කංසා තවදුරටත් අවදානම් සහිත මත්ද්රව්යයක් ලෙස හැඳින්වීම ඉවත් කිරීමට එක්සත් ජාතීන්ගේ සංවිධානය ගත් පියවරට අනුගතවෙමින් මෙරට නීතිද ලිහිල් කරන ලෙස සමස්ත ලංකා දේශීය වෛද්ය සංගමය රජයෙන් ඉල්ලා සිටි.
අද (03) කොළඹ පැවති ප්රවෘත්ති සාකච්ඡාවකදී එම සංගමය අවධාරණය කළේ, ලෝකයේ සෙසු රටවල් මෙන් ඖෂධ ඇතුළු කංසා නිෂ්පාදන නීතිගත කරමින් ආර්ථිකය ශක්තිමත් කිරීමට පියවර ගත යුතු බවය.
කැනබීස් සෙටයිවා (Cannabis setiva) යන විද්යාත්මක නමින් හඳුන්වන කංසා ශාකය, ත්රෛලෝක පත්ර හෙවත් විජය පත්ර ලෙස ආයුර්වේදයේදී හදුන්වනු ලබයි.
මෙරට කංසා භාවිතය තහනම් කරනු ලබන්නේ, ඉංග්රීසි පාලන සමයේදී දුම්කොළ වගාව සහ දුම්පානය ප්රචලිත කිරීමේ අරමුණින්ය.
සමස්ත ලංකා දේශිය වෛද්ය සංගමයේ උපදේශක වෛද්ය ඩැනිස්ටර් එල්. පෙරේරා මහතා පවසන්නේ පුළුල් පරාසයක ඖෂධ ගැන කතා කළ හැකි බෝගයක් ලෙස කංසා හැඳින්විය හැකි බවය.
මේ වනවිට ලොව දියුණු රටවල් රැසක් කංසා මගින් ඖෂධ ඇතුළු විවිධ නිෂ්පාදන සිදුකරන්නේ කංසා නීති ලිහිල් කරමිනි.
එය මානසික උත්තේජනය ඇති කෙරෙන THC සංකීර්ණය අධික ශාක විශේෂයකි.
එමෙන්ම එහි ඇති පෝෂණීය ගුණය, මන්දපෝෂණය පවා දුරු කිරීමට හැකි බව දේශීය වෛද්යවරුන් පවසයි.
ඒ අනුව සමස්ත ලංකා දේශීය වෛද්ය සංගමය පවසන්නේ, කංසා සම්බන්ධයෙන් පවතින නීති වහා ලිහිල් කළ යුතු බවය.
