එන්නත් පෙරහුරුව සිදුවූ අයුරු
කොරෝනා රෝගීන්ට ලබාදීමට නියමිත එන්නත පිළිබඳ පෙරහුරු වැඩසටහනක් අද (23) උදෑසන පිළියන්දල සෞඛ්ය වෛද්ය නිලධාරී කාර්යාල පරිශ්රයේදී සිදු කෙරුණි.
සෞඛ්ය කාර්ය මණ්ඩලයේ 25 දෙනෙකුට ආසන්න පිරිසක් මෙම අවස්ථාවට සම්බන්ධ කරගෙන තිබුණි.
සෞඛ්ය අමාත්යාංශයේ ඉහළ නිලධාරීන් පිරිසක් ද ඊට සහභාගී වූ අතර සායනික කටයුතු මාධ්ය ආවරණයට ඉඩ ලබාදී නොතිබුණි.
එම වැඩසටහන පිළිබඳව අදහස් දක්වමින් පිළියන්දල සෞඛ්ය වෛද්ය නිලධාරී වෛද්ය ඉන්දික එල්ලාවල මහතා සඳහන් කළේ, “ප්රථමයෙන් මෙම පෙරහුරුව සඳහා ඉදිරිපෙළ සෞඛ්ය කාර්යමණ්ඩලය අද යොදවාගෙන තිබෙනවා. ඉදිරියේදී ප්රජාව සඳහාත් ක්රියාත්මක කරනවා. සුරක්ෂිතව එන්නත් ලබාදීමත් සුරක්ෂිතව සායනයෙන් පිටවීම සඳහාත් අවශ්ය කටයුතු සූදානම් කරලා තියෙනවා,” යනුවෙනි.
