විදෙස්ගතව සිටි පිරිසක් පැමිණෙයි
රටවල් කිහිපයකින් පුද්ගලයින් 486 දෙනෙකු ඊයේ (22) උදෑසන 8.30 සිට අද (23) උදෑසන 9 දක්වා වූ කාලය තුළ කටුනායක ගුවන්තොටුපොළින් මෙරටට පැමිණ තිබුණි.
ජර්මනිය, ඉතාලිය, පකිස්ථානය, සිංගප්පූරුව, චීනය, ඉන්දියාව, ඩුබායි සහ දෝහා කටාර් යන රටවල සිට ඒම පිරිස මෙරටට පැමිණ ඇත.
ඔවුන් සියලු දෙනා PCR පරීක්ෂණයට ලක්කිරීමෙන් පසු ත්රිවිධ හමුදාව විසින් පවත්වාගෙන යනු ලබන නිරෝධායන මධ්යස්ථාන වෙත යොමු කෙරුණි.
“යුද හමුදාවෙන් සහ ගුවන් හමුදාවෙන් අපිට ගොඩාක් උදව් කළා. අද ලංකාවේ කොවිඩ් තත්ත්වයේ යම් පාලනයක් ඇති වෙලා තියෙන්නේ හමුදාවේ මැදිහත්වීම තුළයි,” යනුවෙන් විදෙස්ගතව සිට පැමිණි පිරිස් අදහස් දක්වමින් පැවසීය.
