අපොස සාමාන්‍ය පෙළ සහ උසස් පෙළ පන්ති ආරම්භය සඳහා සෞඛ්‍ය මාර්ගෝපදේශ නිකුත් කර තිබේ.
ඒ අනුව ලබන සතියේ සිට එම අංශ ඇරඹිය හැකි බවට අද පැවැති කොවිඩ් මර්දන කමිටුවේදී තීරණය වී තිබුණි.
කොවිඩ් මර්දන කමිටු සාකච්ඡාව වීඩියෝ තාක්ෂණය පවත්වා තිබුණි.
එහෙත් එම පන්ති ආරම්භ කරන දිනය අධ්‍යාපන අමාත්‍යාංශය විසින් දන්වනු ඇති බව සෞඛ්‍ය සේවා අධ්‍යක්ෂ ජනරාල්, වෛද්‍ය අසේල ගුණවර්ධන මහතා පැවසීය.
ඒ අනුව ඒ පිළිබඳ විදුහල්පතිවරුන් දැනුවත් කර පාසල් ආරම්භ කිරීමේ කටයුතු කඩිනමින් ක්‍රියාවට නැංවිය යුතු බව ජනාධිපතිවරයා පෙන්වාදී තිබේ.
කොවිඩ් වසංගතය හේතුවෙන් පාසල් දරුවන්ගේ අධ්‍යාපනය බරපතළ ලෙස අඩාල වී ඇති බැවින් ඒ පිළිබඳ අවධානය යොමු කරමින් මෙලෙස උසස් පෙළ සහ සාමාන්‍ය පෙළ පන්ති ඇරඹීමට තීරණය කර තිබේ.
