වියළි ගංජා කිලෝ 732ක් ළඟ තබාගෙන සිටි පුද්ගලයින් සිව් දෙනෙකු පොලිස් විශේෂ කාර්ය බළකාය විසින් අත්අඩංගුවට ගෙන තිබේ.
ඊයේ (18) පෙරවරු 10.40ත් පස්වරු 3.15 දක්වා අතර කාලය තුළ තණමල්විල පොලිස් වසමේ සහ හමිබෙගමුව පොලිස් වසමේ ප්රදේශ දෙකක සිදුකළ වැටලීම් 5කින් අදාළ සැකකරුවන් අත්අඩංගුවට ගෙන ඇත.
මීට අමතරව එම වැටලීම්වලින් ගංජා හේන් තුනක් සහ මෙරට නිෂ්පාදිත ගිනි අවියක් ඇතුළු භාණ්ඩ කිහිපයක් පොලිස් විශේෂ කාර්ය බළකාය විසින් සොයාගෙන තිබේ.
අත්අඩංගුවටගත් සැකකරුවන් වයස අවුරුදු 25, 45, 27 සහ 30ක් වන බලංගොඩ, තණමල්විල සහ මිද්දෙනිය ප්රදේශවල පදිංචිකරුවන් බව වාර්තා වෙයි.
සොයා ගත් ගංජා වල ඇස්තමේන්තු වටිනාකම රුපියල් කෝටියක් පමණ වෙතැයි සඳහන් විය.
