මෙලෙස මියගොස් ඇත්තේ එම ප්‍රදේශයේ ම පදිංචි වයස අවුරුදු 38ක කාන්තාවකි.
මෙම වෙඩිතැබීම සඳහා පුද්ගලයින් දෙදෙනෙකු පැමිණ ඇති බවට මේ වනවිට වැඩිදුර තොරතුරු අනාවරණය වී තිබේ.
මියගොස් ඇති කාන්තාවගේ ස්වාමිපුරුෂයා ඝාතනය සඳහා අදාළ සැකකරුවන් පැමිණ ඇති බවට පොලිසිය සැකපළ කරයි.
ඔහු එම අවස්ථාවේ නිවසේ සිට ඇතිමුත් වෙඩි තැබීම්වලින් ඔහුට හානියක් සිදුව නොමැත.
කෙසේ වෙතත් මෙම ඝාතනයට නිශ්චිත හේතුවක් මේ වනතෙක් අනාවරණය වී නොමැත.
එම ස්ථානයේ වැටී තිබී ටී 56 උණ්ඩ කොපු 06 මේ වනවිට සොයාගෙන ඇති බව පොලිසිය පවසයි.
මතුගම මහේස්ත්‍රාත්වරයා විසින් මූලික මහේස්ත්‍රාත් පරීක්ෂණය සිදුකර ඇති අතර දේහය කළුතර නාගොඩ රෝහලේ මෘත ශරීරාගාරයේ තැන්පත් කර තිබේ.
ඝාතනයට හේතුව, ඝාතනය සිදුකළ සැකකරුවන් සහ ඒ සඳහා යොදාගන්නා ලද ගිනි අවි අත්අඩංගුවට ගැනීම සඳහා මතුගම පොලිසිය වැඩිදුර විමර්ශන ආරම්භ කර ඇත.
