ශ්රී ලංකා පොදුජන පෙරමුණේ ජාතික ලැයිස්තුවෙන් පාර්ලිමේන්තු මන්ත්‍රීවරුන් පස්දෙනකු ඉවත් වී එක්සත් ජාතික පක්ෂයේ පස් දෙනකුට පාර්ලිමේන්තුවට ඒමට යෝජනා කර ඇති බවට දේශපාලන ක්ෂේත්‍රයේ ආරංචිමාර්ග පැතිර යයි.
ඒ සමගම රනිල් වික්‍රමසිංහ මහතා ගේ අගමැතිත්වයෙන් යුතුව ජාතික ආණ්ඩුවක් නිර්මාණය කිරීමට යෝජනා වී ඇති බවද එම ආරංචි පවසයි.
රජය විසින් කැදවීමට යෝජනා කර ඇති සර්ව පාක්‍ෂික සමුළුව මගින් යෝජනා සම්මත කරගෙන ජාතික ආණ්ඩුවක් පිහිටුවනු ඇති බවත් සදහන්ය.
කෙසේ වෙතත් අගමැති මහින්ද රාජපක්ෂ මහතා සඳහන් කරන්නේ මෙම වාර්තා අසත්‍ය බවත් රනිල් වික්‍රමසිංහ මහතා විසින් ප්‍රචාරය කරනු ලබන ඒවා බවත්ය.
අග්‍රාමාත්‍යවරයා මේ බව සඳහන් කර ඇත්තේ මෙරට දෙමළ පුවත්පත් කර්තෘවරුන් පිරිසක් හමු වූ අවස්ථාවේදී කළ විමසීමකදීය.
