බිබිල ප්‍රදේශයේදී පාසල් ළමුන් පිරිසක් ප්‍රවාහනය කරමින් තිබූ කුඩා ලොරි රථයක් පෙරළීමෙන් අනතුරක් සිදුව තිබේ.
අනතුරින් තුවාල ලැබූ ළමුන් 14ක් ප්‍රතිකාර සඳහා බිබිල මූලික රෝහලට ඇතුළත් කර ඇත.
මෙලෙස අනතුරට ලක්ව ඇත්තේ බිබිල කනුල්වෙල මුස්ලිම් මහා විද්‍යාලයේ සිසුන් පිරිසකි.
එම සිසුන් ක්‍රීඩා උළෙලටකට සහභාගී වීම සඳහා වෙල්ලස්ස ජාතික පාසල වෙත ගමන්කරමින් සිටියදී අද උදෑසන මෙම අනතුර සිදුව තිබේ.
ප්‍රවාහන පහසුකම් සපයාගැනීමට නොහැකිවීම හේතුවෙන් මෙම ළමුන් පිරිස අදාළ ලොරි රථයේ ගමන්කරමින් සිටියදී මෙලෙස අනතුරට ලක්ව ඇති බවට වාර්තාවෙයි.
