මැතිවරණ කොමිසමේ තිදෙනාගේ ඡායාරූප එල්ලීමට විමල් සූදානම් වේ.
පාර්ලිමේන්තු මහ මැතිවරණයට තරග කරන මන්ත්රි ධුර අපේක්ෂකයින්ගේ ඡායාරූප ප්රදර්ශනය කිරීමට ජාතික මැතිවරණ කොමිෂන් සභාව අවසර ලබා නොදෙන්නේ නම් සිය මැතිවරණ කාර්යාලවල ස්වාධීන මැතිවරණ කොමිසම නියෝජනය කරන තිදෙනාගේ ඡායාරූප ප්රදර්ශනය කිරීමට සිදුවන බව ජාතික නිදහස් පෙරමුණේ නායක අමාත්ය විමල් වීරවංශ මහතා ප්රකාශ කරයි. අනුරාධපුරයේ දී මාධ්යවේදීන් අසන ලද ප්රශ්න වලට පිළිතුරු ලබාදෙමින් විමල් වීරවංශ අමාත්යවරයා මේ බව ප්රකාශ කළේය. 1980 පාර්ලිමේන්තු පනත කුමක් වුවත් පසුගිය මැතිවරණවලදී මැතිවරණ කොමිෂම පක්ෂ නායකයින් සමඟ සාකච්ඡා කර කිසියම් සම්මුතියකට එකඟතාවයකට පැමිණ සිය පක්ෂ කාර්යාලවල අපේක්ෂකයාගේ ඡායාරූප සහ මනාප අංක ප්රදර්ශනය කිරීමට අවසර දුන්නා. දැන් අපට සිදු වී තිබෙන්නේ පක්ෂ කාර්යාල වල මැතිවරණ කොමිසමේ නාම්බො තුන්දෙනාගේ මුහුණු තමයි ප්රදර්ශනය කිරීමට. වෙන කළ යුතු දෙයක් නොමැති බවද විමල් වීරවංශ මහතා වැඩිදුරටත් ප්රකාශ කළේය.
