අමෙරිකානු ජනාධිපති ජෝ බයිඩන්ගේ ඩෙලවෙයාර්හි පිහිටි නිවසේ තිබී රහසිගත ලේඛන 06ක් සොයාගෙන තිබේ.
අමෙරිකා එක්සත් ජනපද අධිකරණ දෙපාර්තමේන්තුවේ විමර්ශකයින් පිරිසක් විසින් බයිඩන්ගේ නිවස පැය 13ක පමණ කාලයක් සෝදිසි කර ඇති බව විදෙස් මාධ්‍ය වාර්තා කළේය.
එහිදී එම රහසිගත ලේඛන සොයාගෙන ඇති අතර බයිඩන් සෙනෙට් සභිකයෙකු ලෙස සිටි කාලයට සහ උප ජනාධිපතිවරයෙකු ලෙස කටයුතු කළ කාලයට අයත් ලියකියවිලි කිහිපයක් ඒ අතර වන බව සඳහන් වේ.
මීට පෙර අමෙරිකානු ජනාධිපතිගේ වොෂින්ටන්හි පිහිටි නිවසේ තිබී ද රහසිගත ලේඛන කිහිපයක් සොයාගත් අතර අදාළ ලේඛන නිවෙස් තුළ තබා ගැනීමට හේතුව මෙතෙක් අනාවරණය වී නොමැති බව විදෙස් මාධ්‍ය වාර්තා කර තිබේ.
සොයාගත් ලේඛන සියල්ල ජාතික ලේඛනාගාරයට සහ අධිකරණ දෙපාර්තමේන්තුවට භාර දී ඇති බව වාර්තා විය.
