සැලකියයුතු වර්ෂාපතනයක් නොලැබීම මත උසස් පෙළ විභාගය පැවැත්වෙන කාලසීමාව තුළ විදුලි උත්පාදනයට අවශ්ය අතිරේක ජලය බෙදාහැරීම සිදුනොවන බව ශ්රී ලංකා මහවැලි අධිකාරිය පැවසීය.
එම තීරණය ගෙන ඇත්තේ පසුගියදා රැස්වූ ජල කළමනාකරණ කමිටුවේදීය.
ඒ අනුව, විදුලි උත්පාදනය සඳහා සාමාන්ය දිනවලදී නිතුක් කරනු ලබන ජල ප්රමාණය පමණක් ලබාදෙන බව ශ්රී ලංකා මහවැලි අධිකාරිය පවසයි.
විදුලිබල හා බලශක්ති අමාත්යාංශයේ ලේකම්වරයා වෙත ලිපියක් යොමුකරමින් එම අධිකාරියේ නියෝජ්ය අධ්යක්ෂ ජනරාල් එන්.ජේ. ධනපාල මහතා සඳහන් කර ඇත්තේ උසස් පෙළ විභාගය පැවැත්වෙන කාලසීමාව තුළදී විදුලි උත්පාදනය සඳහා අතිරේක ජලය ලබාදීම සම්බන්ධයෙන් සාකච්ඡා කිරීම සඳහා ජල කළමනාකරණ කමිටුව රැස්වූ බවය.
අපේක්ෂා කළ පරිදි වර්ෂාපතනය නොලැබීම හා වාරි ජලය මෙන්ම පානීය ජලය සඳහා අවශ්ය ජල ප්රමාණයද සලකමින් සාමාන්ය පරිදි ජල විදුලි නිෂ්පාදනය සඳහා ජලය නිකුත් කිරීමට තීරණය කර ඇති බව එන්.ජේ. ධනපාල මහතා වැඩිදුරටත් විදුලිබල අමාත්යාංශයට දන්වා තිබේ.
