උඩුදුම්බර – මඩුගල්ල මාර්ගයේ කලල්ගමුව ප්රදේශයේදී රිය අනතුරකින් 03 හැවිරිදි කුඩා දැරියක් ජීවිතක්ෂයට පත්ව තිබේ.
ඊයේ (07) දහවල් කාලයේදී කලල්ගමුව ප්රදේශයේදී ත්රීරෝද රථයක් මාර්ගයේ පෙරළීමෙන් අනතුර සිදුව ඇත.
අනතුරින් බරපතළ තුවාල ලැබූ ත්රීරෝද රථයේ ගමන්කළ කුඩා දැරිය උඩදුම්බර රෝහලට ඇතුළත් කර වැඩිදුර ප්රතිකාර සඳහා මහනුවර රෝහලට ඇතුළත් කර ප්රතිකාර ලබමින් සිටියදී මියගොස් තිබේ.
එසේ මියගොස් ඇත්තේ, මීමුරේ ප්රදේශයේ පදිංචි දැරියකි.
සිද්ධිය සම්බන්ධයෙන් උඩුදුම්බර පොලීසිය වැඩිදුර විමර්ශන සිදුකරයි.
මේ අතර කෝපායි පොලිස් වසමේ ඉරුපාලෙසි උප්පුමඩම් මාර්ගයේ උප්පුමඩම් ප්රදේශයේදී සිදුවූ යතුරපැදි අනතුරකින් පුද්ගලයෙකු ජීවිතක්ෂයට පත්ව තිබේ.
උප්පුමඩම් මාර්ගය හරහා ගමන් කළ පුද්ගලයෙකු ඉරුපාලෙයි දෙස සිට උප්පුමඩම් දෙසට ධාවනය වූ යතුරුපැදියක ගැටී එම අනතුර සිදුව තිබුණි.
අදාළ අනතුරින් මියගොස් ඇත්තේ, 88 හැවිරිදි කොණ්ඩාවිල් ප්රදේශයේ පදිංචිකරුවෙකි.
