අවසාන පන්දුවාරයේ ඩිල්ෂාන්ගේ කඩුලු ත්‍රිත්වයෙන් ශ්‍රී ලංකාවට තියුණු ජයක්

සිම්බාබ්වේ ‍ක්‍රිකට් කණ්ඩායම පරාජය කරමින් ලකුණු හතක තියුණු ජයක් ලබා ගැනීමට සංචාරක ශ්‍රී ලංකා ක්‍රිකට් පිල සමත් අද(29) වුණා. ලකුණු 299ක ඉලක්කයක් හඹාගිය සිම්බාබ්වේ කණ්ඩායමට පන්දුවාර 50 තුළදී කඩුලු 8ක් දැවී ලබා ගැනීමට හැකි වූයේ ලකුණු 291 ක් පමණි. ශ්‍රී ලංකා කණ්ඩායම නියමිත පන්දු වාර 50 තුළදී කඩුලු හයක් දැවී ලකුණු 298ක් ලබා ගත්තා .මේ අනුව තරඟ 3කින් සමන්විත ඵක්දින ක්‍රිකට් තරගාවලියේ ශ්‍රී ලංක කණ්ඩායම 1-0ක් ලෙස ඉදිරියෙන් සිටිනවා.සංචාරක ශ්‍රී ලංකා ක්‍රිකට් කණ්ඩායම සහ සිම්බාබ්වේ අතර හරාරේහිදී පැවැත්වෙන පළමු පන්දුවාර පනහ එක් දින ක්‍රිකට් තරගයේ මුලින්ම පන්දුවට පහර දුන් ශ්‍රී ලංකා කණ්ඩායම නියමිත පන්දු වාර පනහ තුළදී කඩුලු හයක් දැවී ලකුණු 298ක් රැස් කරගෙන තිබෙනවා. පැතුම් නිශ්ශංක ලකුණු 76 ජනිත් ලියනගේ නොදැවී ලකුණු 79යි, කමිඳු මෙන්ඩිස් ලකුණු 57යි.දිල්ෂාන් මධුසංක අවසන් පන්දුවාරයේදී කඩුලු ත්‍රිත්වයක් ලබා ගත් අතර ඔහු ලකුණු 62ක් දී කඩුලු 4ක් බිදහෙළිමට සමත් වුණා