මේ මස 21 වෙනිදා නුගේගොඩ පැවැත්වෙන මහා ජනහඬ ජනරැළියට යනවාද? නැද්ද ?කියා පාර්ලිමේන්තු මන්ත්රී දයාසිරි ජයසේකර සමගි ජන බලවේගයේ ප්රධානීන්ගෙන් සෘජුවම විමසා තිබෙන බව වාර්තා වෙනවා.පාර්ලිමේන්තු මන්ත්රී භෝජනාගාරයේදී ඊයේ(11) දින දිවා ආහාරය ගනිමින් සිටින අවස්ථාවේදී දයාසිරි ජයසේකර මන්ත්රීවරයා විසින් මේ කාරණය විමසා ඇති බව සඳහන්. සමගි ජන බලවේගයේ ප්රධාන ලේකම් රංජිත් මද්දුමබණ්ඩාර, ආචාර්ය හර්ෂ ද සිල්වා, එස්. එම්. මරික්කාර්,රවී කරුණානායක ඇතුළු පාර්ලිමේන්තු මන්ත්රීවරුන් පිරිසක් මේ අවස්ථාවේදී දිවා ආහරය ගනිමින් සිට තිබෙනවා.මම සමගි ජන සන්ධානයේ පාර්ලිමේන්තු මන්ත්රීවරයෙක්. 21 වෙනිදාට මොකද කරන්නේ? මටත් තීරණයක් ගන්න ඕන. මොකද ජනතාව බලාගෙන ඉන්නේ .මේ අවස්ථාවේදී විපක්ෂයේ බෙදීමක් සිදු කරන්න නරකයි. ඒක නිසා 21 වෙනිදාට මොකද කරන්නේ? දැන්මම කියන්න මොකක්ද මේ ගැන වෙන්නේ කියලා .යනුවෙන් දයාසිරි ජයසේකර මෙහිදී රංජිත් මද්දුමබණ්ඩාර බණ්ඩාරගෙන් විමසා ඇති බව වාර්තා වනවා.21 වෙනිදට යන්නේ නැත්නම් ටිරාන් අලස්ගේ සාකච්ඡාවට සජබෙන් යැව්වේ ඇයිද යනුවෙන්ද දයාසිරි විමසා තිබෙන බව සඳහන්.පක්ෂයෙන් අහලා නෙවි ගිහිල්ලා තියෙන්නේ යනුවෙන් රංජිත් මද්දුමබණ්ඩාර ඊට ප්රතිචාර දැක්වූ බවද වාර්තාවනවා.මේ ගැන දේශපාලන කළමනාකරණ කමිටුවේදී සාකච්ඡා කරනකොට කවුරුවත් මේකට යන්න කැමති වුණේ නෑ. අඩුම ගානේ මේ සාකච්ඡාවලට ගිය කට්ටියවත් ඒ වෙලාවේ කතා කළේ නැහැ. යනුවෙන් එස්.එම්.මරික්කාර් පෙන්වා දී තිබෙනවා.ඒ වුණාට නුගේගොඩ රැළිය ගැන විපක්ෂය නියෝජනය කරන පක්ෂවල ජනතාව අවදියෙන් ඉන්නේ. සජිත් ප්රේමදාස විපක්ෂ නායකතුමා සහභාගී නොවුණාට කමක් නැහැ. නමුත් අඩුම ගණනේ සජබයෙන් කවුරුහරි යන්න ඕන .නියෝජිතයෙක් ගිහිල්ලා පොඩි කතාවක් හරි කරන්න ඕන. යනුවෙන් දයාසිරි ජයසේකර මෙහිදී ප්රකාශ කර තිබෙන බව වාර්තා වනවා.දයාසිරි කියන දේ මට තේරෙනවා.ඔයාගේ කරුණුත් මම පිළිගන්නවා. මේ ගැන හෙට අනිද්දා සජබය සාකච්ඡා කරලා තීරණයක් ගන්නවා .යනුවෙන් රංජිත් මද්දුමබණ්ඩාර ප්රකාශ කොට තිබෙන බව සඳහන්.මං කියන්නේ රටේ පවතින තත්ත්වය තේරුම් ගෙන විපක්ෂයේ පොදු වැඩපිළිවෙලක් ගැන හිතලා මේ කාරණයට සහභාගී වුණොත් හොඳයි. අපිට පක්ෂ දේශපාලනයක් කරන්න වෙලාවක් එනවා. නමුත් මේ අවස්ථාවේදී විපක්ෂයේ පොදු කාරණය ගැන අවධානය යොමු කිරීමයි වඩා වැදගත් වෙන්නේ යනුවෙන්ද දයාසිරි ජයසේකර ප්රකාශ කොට ඇති බව වාර්තාවනවා.
