දකුණු අප්රිකාවේ Gauteng ප්රාන්තයේ රාත්රී සමාජශාලාවක සිදු වූ වෙඩි තැබීමකින් අවම වශයෙන් පුද්ගලයින් 17 දෙනෙකු ජීවිතක්ෂයට පත්ව තවත් 15 දෙනෙකු තුවාල ලබා ඇතැයි එරට පොලිසිය පවසනවා.
ජොහැන්නස්බර්ග් නුවරට නිරිත දෙසින් පිහිටි වෙඩෙලා (Wedela) ප්රදේශයේ පිහිටි අදාළ ස්ථානයේදී මෙම ප්රහාරය සිදුව ඇති අතර, ඔවුන් 17 දෙනාම එම ස්ථානයේදීම මියගොස් සිටි බවයි වාර්තා වන්නේ.
AK-47 රයිෆල් සහ පිස්තෝල අතැතිව පැමිණි අටදෙනෙකුගෙන් යුත් ආයුධ සන්නද්ධ කණ්ඩායමක් විසින් මෙම වෙඩි තැබීම සිදුකර ඇති අතර, ප්රහාරයට හේතුව මෙතෙක් අනාවරණය වී නැති බව සඳහන්.
සිද්ධියට සම්බන්ධ සැකකරුවන් අත්අඩංගුවට ගැනීම සඳහා දකුණු අප්රිකානු පොලිස් සේවය (SAPS) විසින් මේ වන විට මෙහෙයුම් ආරම්භ කර තිබෙනවා.
