2026 වසරේ මුල් මාස 9 තුළ මෙරට සමස්ත අපනයන ආදායම ඇ:ඩො:බි:13.61 දක්වා ළඟා වී ඇති අතර, එය 2025 වසරේ අදාළ කාල සීමාවට සාපේක්ෂව (ඇ:ඩො:බි:12.96) 5.04% ක ඉහළ යාමක්: EDB.2026 සැප්තැම්බර් මාසයට අදාළව ශ්‍රී ලංකාවේ අපනයන කාර්යසාධනය පිළිබඳ දැනුවත් කිරීමේ මාධ්‍ය සාකච්ඡාවක් රජයේ ප්‍රවෘත්ති දෙපාර්තමේන්තුවේ දී අද (26) පැවැත්විණි.
මෙම මාධ්‍ය සාකච්ඡාව සඳහා අපනයන සංවර්ධන මණ්ඩලයේ සභාපති/විධායක අධ්‍යක්ෂ, මංගල විජේසිංහ මහතා සහභාගි විය.
මෙම මාධ්‍ය සාකච්ඡාවේ දී අනාවරණය වූ කරුණු වලට අනුව, ශ්‍රී ලංකාවේ මුළු අපනයන ආදායම 2026 වසරේ මුල් මාස නවය තුළ ඇමෙරිකානු ඩොලර් බිලියන 13.6 ඉක්මවා ඇත.
ඒ අනුව, 2025 වසරේ අදාළ කාලපරිච්ඡේදය තුළ වාර්තා වූ ඇමෙරිකානු ඩොලර් බිලියන 12.96 ක අපනයන ආදායම හා සසඳන විට 5.04% ක වර්ධනයක් වාර්තා වී තිබීම විශේෂත්වයකි. මෙම ධනාත්මක ක්‍රියාකාරිත්වය, භාණ්ඩ හා සේවා අපනයන යන අංශ දෙකෙහිම වර්ධනය මගින් සහය වන,රටේ අපනයන අංශයේ අඛණ්ඩ පුළුල්වීම පිළිබිඹු කරයි.
