Monday, November 16, 2026
HomeNEWSඅනුරාධපුර පූජා භූමියේ සිදු වූ ගැටුම්කාරී තත්ත්වය ගැන මහා නායක හිමිවරුන්ගේ අවධානය...

අනුරාධපුර පූජා භූමියේ සිදු වූ ගැටුම්කාරී තත්ත්වය ගැන මහා නායක හිමිවරුන්ගේ අවධානය කඩිනමින්ම යොමු විය යුතුයි- ෂිරාස් යුනුස්

අනුරාධපුර රුවන්වැලි මහා සෑ පූජාභූමියේ සිදුවූ ගැටුම්කාරී තත්ත්වය සම්බන්ධයෙන් මහනායක හිමිවරුන්ගේ අවධානය කඩිනමින්ම යොමු විය යුතු බව නව ලංකා නිදහස් පක්ෂයේ භාණ්ඩාගාරික ෂිරාස් යුනුස් මහතා ප්‍රකාශ කරයි.

රුවන් වැලි සෑය පූජාභූමිය තුළ සංඝයා වහන්සේ අතර එවැනි ගැටුම්කාරී තත්ත්වයක් ඇතිවීම ගැන තමන් දැඩිලෙස කණගාටුවට පත්වන බවද ඔහු පෙන්වා දෙයි.

මාධ්‍ය වෙත විශේෂ ප්‍රකාශයක් සිදුකරමින් ෂිරාස් යුනුස් මහතා අවධාරණය කරන්නේ මෙවැනි සිදුවීම් දිගින් දිගටම සිදුවුවහොත් එය බෞද්ධ රටක් වශයෙන් ශ්‍රී ලංකාවට යහපත් නොවන බවයි.

මෙම විශේෂ ප්‍රකාශය සිදු සිදුකරමින් වැඩිදුරටත් අදහස් දැක්වූ ෂිරාස් යුනුස් මහතා මෙසේද පැවසුවේය.

මේ සිංහල බෞද්ධ රටේ මෙයාකාරයෙන් සංඝයා වහන්සේ අතරේ ගැටුම් සිදුවීම හොඳ දෙයක් නෙවෙයි.මෙහෙම දෙයක් ඇති නොවෙන්න වර්තමාන ආණ්ඩුවටත් වගකීමක් තියෙනවා.

මොකද මේ රුවන්වැලි මහා සෑය පූජා භූමිය තුළ ඇති වු ගැටුම්කාරී තත්ත්වය ඇති කිරීමට මාලිමා ආණ්ඩුවේ සමහර කොටස් සම්බන්ධ බවටත් සමහර සංඝයා වහන්සේ චෝදනා කරනවා.

ඒ නිසා මෙම ගැටුම්කාරී තත්ත්වය ගැන පොලිසිය මගින් අපක්ෂපාතීව සාධාරණ පරීක්ෂණයක් කළ යුතුයි.

මෙම ගැටුම්කාරී තත්ත්වය ඇති කිරීමට ආණ්ඩුවේ ඇතැම් පිරිස් සම්බන්ධ බවට එල්ලවන චෝදනාව නිසා සාධාරණ පරීක්ෂණයක් පොලිසිය මගින් සිදුවේද යන කාරණය ගැනත් සැකයක් මතු වී තිබෙනවා.

මොකද මේක ඉතාමත්ම බරපතල කාරණයක්. මේ සියලුම කාරණා ගැන මහා නායක හිමිරුන්ගේ අවධානය කඩිනමින්ම යොමු විය යුතුයි.

මහා නායක හිමිවරුන් විසින් මේ පිළිබඳව යම්කිසි ප්‍රකාශයක් රටට සිදු කළොත් එය වඩාත් යහපත්.

මම යළිත් වරක් මේ රටේ ගෞරවනීය මහා නායක හිමිවරුන්ගෙන් ඉතාමත්ම ගෞරවයෙන් ඉල්ලීමක් කරනවා, මේ ගැන කඩිනමින්ම අවධානය යොමු කරන්න කියලා.

මෙවැනි තත්ත්වයන් දිගින් දිගටම ඇතිවීම බෞද්ධ රටකට සුදුසු නැහැ.

ඒක සිංහල බෞද්ධයන්ටත් හානියක්. සියලුම ජාතීන් ආගම් මේ රටේ ආරක්ෂා වෙලා තියෙන්නේ බෞද්ධත්වය සෙවණේ. ඒක අප සියලු දෙනාම තේරුම් ගත යුතුයි.

ඒ නිසා අපි කවුරුවත් කැමති නැහැ සංඝරත්නය අතර භේද ඇතිවෙනවාට.

සංඝයා භේද කිරීම බරපතළම පාපකර්මයක් බවත් අප සියලු දෙනාම හොඳින් මතක තබා ගත යුතුයි.

LEAVE A REPLY

Please enter your comment!
Please enter your name here

spot_img
spot_img
spot_img
spot_img

Must Read

නව අධ්‍යාපන ප්‍රතිසංස්කරණය යටතේ කලාප අධ්‍යාපන කාර්යාලත් සංවර්ධනය කරනවා= අග්‍රාමාත්‍යතුමිය

නව අධ්‍යාපන ප්‍රතිසංස්කරණය යටතේ කලාප අධ්‍යාපන කාර්යාලත් සංවර්ධනය කරන්න කටයුතු කරනවා 2027 අයවැයෙන් වෙන් කළ මුදල් නිසිපරිදි භාවිත කරන එක රජය විසින් ඔබට ලබා දෙන...

සෞදියේ රියාද් අගනුවර, කිං ඛාලිඩ් ජාත්‍යන්තර ගුවන් තොටුපළට සහ මූල්‍ය මධ්‍යස්ථානයකට මිසයිල ප්‍රහාර

සෞදියේ රියාද් අගනුවර, කිං ඛාලිඩ් ජාත්‍යන්තර ගුවන් තොටුපළ සහ මූල්‍ය මධ්‍යස්ථානයක් ඉලක්ක කර බැලැස්ටික් මිසයිල දෙකක් එල්ල කළ බව යේමනයේ හූති කැරලිකරුවන් ප්‍රකාශ කරයි.

ලොව පුරා සිටින ශ්‍රී ලාංකික ව්‍යවසායකයින් එකම වේදිකාවට ගෙන ඒමට දිලිත් ජයවීර GLEC අරඹයි

ලෝකය පුරා විසිරී සිටින ශ්‍රී ලාංකික ව්‍යවසායකයින් සහ වෘත්තිකයින් එකම ඩිජිටල් වේදිකාවකට ගෙන එන Global Lankan Entrepreneur Club හෙවත් GLEC ඩිජිටල් වේදිකාව එළිදැක්වීම අද...

උද්ධමනය ඉතා ඉහළයි.. ජීවත්වීම සඳහා 100%ක වැටුප් වැඩිවීමක් අත්‍යවශ්‍යයි- පෙරටුගාමී සමාජවාදී පක්‍ෂය

2027 වසරට අදාළ අයවැය පිළිබඳව පෙරටුගාමී සමාජවාදී පක්ෂයේ මතය ප්‍රකාශ කරන විශේෂ මාධ්‍ය සාකච්ඡාවක් අද ( 2026 නොවැම්බර් 15 ) දින පෙරවරු 11.00ට නුගේගොඩදී...
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img