අරලගංවිල අනතුරකින් සිසුවෙක් මරුට – දහයකට තුවාල
අරලගංවිල බෝගස්හංදිය අසළ සිදුවූ රිය අනතුරකින් 16 හැවිරිදි සිසුවෙක් මියගොස් තවත් දස දෙනෙකු තුවාල ලබා තිබේ.
දෙහිඅත්තකණ්ඩිය දෙස සිට අරලගංවිල දෙසට ධාවනය වෙමින් තිබු කැබ් රථයක් උපකාරක පංතියකට සහභාගී වී පාගමනින් ගමන් කරමින් සිටි සිසුන් පිරිසක් යටකරගෙන යාමෙන් මෙම අනතුර සිදුව ඇති බව පොලීසිය සඳහන් කළේය.
අනතුරෙන් තුවාල ලැබු ළමුන් 11 දෙනෙකු පොළොන්නරුව සහ අරලගංවිල රෝහල්වලට ඇතුළත් කර ඇති අතර ඉන් එක් සිසුවෙක් මියගොස් තිබේ.
මියගොස් ඇත්තේ රත්මල්තැන්න ප්රදේශයේ පදිංචිව සිටි සිසුවෙකි.
කැබ් රථයේ රියදුරු අත්අඩංගුවට ගෙන ඇති අතර අරලගංවිල පොලීසිය අනතුර සම්බන්ධයෙන් වැඩිදුර විමර්ශන ආරම්භ කර ඇත.
