විනෝද සමයක් වැනි වූ උද්ඝෝෂණයක්
අපේ ජන බල පක්ෂයේ ගාල්ල දිස්ත්‍රික්කයෙන් තරඟ කළ රන්දික අතුකෝරළ මහතා අද (13) ගාල්ල නගරයේදී විරෝධතාවයක නිරත විය.
එහි විශේෂත්වයක් වූයේ ඔහු සිය උද්ඝෝෂණය අතරතුර ගීත කිහිපයක් ද ගායනා කිරීමය.
ඔහු පවසන්නේ අපේ ජන බල පක්ෂයේ ජාතික ලැයිස්තු මන්ත්‍රීධූරය පූජ්‍ය ගලගොඩඅත්තේ ඥානසාර හිමියන්ට ලබා දිය යුතු බවය.
ඔහු පවසන්නේ අදාළ මන්ත්‍රීධූරය පූජ්‍ය ගලගොඩඅත්තේ ඥානසාර හිමියන්ට ලබාදෙන තුරු සිය උද්ඝෝෂණය සිදුකරන බවය.
අද (13) උදෑසන මෙම විරෝධතාවය ආරම්භ කර තිබේ.
“රතන හාමුදුරුවනේ, ඥානසාර හිමියනේ, සමන් පෙරේරා මැතිතුමනි හැංගිලා ඉන්න මහා ආනන්තරීය පාප කර්මයකට අතගහලා ඉන්න වේදිනිගම විමලතිස්ස හිමියනේ එන්න එළියට එන්න ඇවිත් මේ ගැටලුව විසඳගන්න“ යනුවෙන් රන්දික අතුකෝරාළ මහතා ඉල්ලා සිටියි.
නමුත් එම උද්ඝෝෂණය නැරඹු ජනතාව ඉන් විනෝදයක් ලැබූ බවනම් නොඅනුමානය.
