වනජීවී නිලධාරීන්ට දෙනු ලබන ගිනි අවියක් පොලොන්නරුව ප්රදේශයේ දී දඩයක්කරුවෙක් යැයි සැක කෙරෙන පුද්ගලයෙක්ගේ නිවසේ තිබී සොයාගෙන තිබේ.
ඊයේ, පොළොන්නරුව, ගල්ඔය හතරැස්කොටුව ප්රදේශයේ පිහිටි නිවසක් පරික්ෂාවට ලක්කිරීමේ දී වනජීවී නිලධාරීන් භාවිතයට ගන්නා විදෙස් රටක නිෂ්පාදිත ගිනි අවියක්, ජීව පතරොම් 3ක් යුද හමුදා නිල ඇඳුමට සමාන ඇඳුම් කිහිපයක්, යුද හමුදා නිලධාරීන් භාවිතා කරන භාණ්ඩ කිහිපයක් සමග වියළන ලද දඩමස් කිලෝ 1යි ග්රෑම් 350ක ප්රමාණයක් සොයාගෙන තිබේ.
එහිදී අදාළ නිවසේ හිමිකරු අත්අඩංගුවට ගැණුනු අතර අදාළ ගිනි අවිය හබරණ වනජීවී කාර්යාලයට අනුයුක්ත බීට්ටු වන නිලධාරියෙකුගේ බවට අනාවරණවී තිබේ.
ඊයේ (27) ගිරිතලේ යුද හමුදා බුද්ධි අංශ නිලධාරීන්ට සහ අරලගංවිල විශේෂ කාර්ය බලකා නිලධාරීන්ට ලද තොරතුරකට අනුව මෙම වැටලීම සිදුකර ඇති බව “අද දෙරණ“ වාර්තාකරු පැවසීය.
අදාළ සැකකරු සහ අත්අඩංගුවට ගත් භාණ්ඩ තොගය අරලගංවිල විශේෂ කාර්ය බලකා නිලධාරීන් විසින් හබරණ පොලීසියට බාර දී තිබේ.
සිද්ධිය සම්බන්ධයෙන් හබරණ පොලීසිය වැඩිදුර විමර්ශන සිදු කරයි.
